• Գլխավոր
  • Հարթակ
    • 17+
    • Էկո
    • Սովետ
  • Քաղաքականություն
    • Ներքին
    • Արտաքին
    • Հարեւաններ
    • Աշխարհ
  • Մենք
    • Հայաստան
    • Սփյուռք
  • Տնտեսություն
  • Մշակույթ
  • Գործընկերներ
    • Բուն TV
  • մեր մասին
  • Կապ
Aliq Media Armenia
  • Գլխավոր
  • Հարթակ
    • 17+
    • Էկո
    • Սովետ
  • Քաղաքականություն
    • Ներքին
    • Արտաքին
    • Հարեւաններ
    • Աշխարհ
  • Մենք
    • Հայաստան
    • Սփյուռք
  • Տնտեսություն
  • Մշակույթ
  • Գործընկերներ
    • Բուն TV
ՀարեւաններՔաղաքականություն

Վրաստանի ընդդիմություն։ Ժողովրդին չհարցնե՞նք

Աննա Թանդարյան 18:46 | 06.12.2020
Աննա Թանդարյան 18:46 | 06.12.2020

Վրաստանի ընդդիմադիր կուսակցությունները հերթական հանդիպումն են անցկացրել․ նրանց դիրքորոշումն ու հիմնական պահանջները մնում են անփոփոխ:

«Լեյբորիստական» կուսակցության գրասենյակում կայացած հանդիպումից հետո ընդդիմության առաջնորդները հանդես եկան համատեղ հայտարարությամբ եւ առաջ քաշեցին նոր ընտրություններ անցկացնելու վերաբերյալ պլեբիսցիտի (ժողովրդական հարցման) գաղափարը։

Ընդդիմությունը բազմազան է, մոտեցումները՝ տարբեր, բայց մոդերատորներին [դեսպաններին] ներկայացված առաջարկներում շարադրված հիմնական պահանջների մեջ լիակատար համաձայնություն կա:

«Որոշ կետերի վերաբերյալ կան տարբեր գնահատականներ, բայց ընդհանուր առմամբ ունենք ամբողջական համաձայնություն», — հանդիպումից հետո լրագրողների հետ զրույցում նշել է «Լելո» կուսակցության առաջնորդ Բադրի Ջափարիձեն:

Ըստ «Միացյալ ազգային շարժման» ներկայացուցիչ Խատիա Դեկանոիձեի՝ փաստաթուղթը բաղկացած է երեք հիմնական մասից՝ արտահերթ ընտրություններ, քաղբանտարկյալների ազատ արձակում եւ կենտրոնական ընտրական հանձնաժողովի նոր կազմի ձեւավորում:

Ըստ ընդդիմության առաջնորդների՝ պլեբիսցիտը բնակչության կարծիքը հարցնելու հնարավորություն է՝ արդյոք նրանք ցանկանո՞ւմ են նոր ընտրություններ: Այս հարցում, սակայն, ընդդիմադիր ուժերի մոտեցումները չեն համընկնում։

«Եւրոպական Վրաստան» կուսակցության առաջնորդներից Գիգի Ուգուլավան ասում է, որ պլեբիսցիտը չի փոխարինի արտահերթ ընտրությունների պահանջին: «Այն կարող է լինել միայն արտահերթ ընտրություններին հասնելու միջանկյալ միջոց: Երբ փակուղի է, եւ՛ իշխանությունը, եւ՛ ընդդիմությունը, եւ՛ բոլոր ողջամիտ մարդիկ կարծում են, որ դա բնական միջոց է գալ եւ մարդկանց հարցնել»։

«Միասնական Վրաստան» կուսակցության առաջնորդ Նինո Բուրջանաձեն գտնում է, որ բնակչությունն ընտրությունների վերաբերյալ իր դիրքորոշումն արդեն արտահայտել է, բայց «եթե ընտրություններում հաղթելու այլ տարբերակ չկա, ապա այդ [պլեբիսցիտի] տարբերակը նույնպես կարող է դիտարկվել»:

Հանդիպմանը ներկա էր նաեւ «Հանուն արդարության» կուսակցության նախագահ Էկա Բեսելիան: Նա կարծում է, որ պլեբիսցիտի գաղափարը հակասական է, քանի որ այն սահմանադրությամբ կառավարությանը ոչինչ չի պարտադրում:

«Նույնիսկ եթե մարդիկ ասում են, որ մենք ուզում ենք ընտրություններ, կառավարությունը չի կարող ընտրություններ նշանակել, քանի որ սահմանադրության մեջ ուղղակի գրված է, որ դա պարտադիր չէ, իսկ եթե դա պարտադիր չէ, ապա չենք կարող պահանջել: Այդ պատճառով կարծում եմ, որ այս գործընթացում դա պարզապես ժամանակի կորուստ է եւ երազանքի խաղ»,- ասում է Բեսելիան:

Ավելի վաղ՝ դեկտեմբերի 4-ին, ընդդիմության առաջնորդները հանդիպել էին բանակցությունների միջնորդներին եւ գրավոր ներկայացրել իրենց պահանջները:

Աննա Թանդարյան

2017-ից «Ալիք մեդիա»-Վրաստան թիմի անդամ եմ՝ լրագրող։ Թեեւ Վրաստանի տեխնիկական համալսարանում իրավագիտություն եմ ուսումնասիրել, բայց ինձ համար հետաքրքիր են բոլոր ոլորտներն ու թեմաները։

0
FacebookTwitterWhatsappTelegramEmail
նախորդը
Կամավորականները Թուրուսի խութից դիմում են կառավարությանը
հաջորդը
Խաղաղապահները կայունացրել են իրավիճակը

խմբագրական

Հոբելյանին ընդառաջ

Promotion Image

լրահոս

  • Լեհաստանն՝ արցախցիներին

    18:12 | 16.04.2021
  • Ֆրանսերենով գիրք՝ Բալյանների մասին

    17:40 | 16.04.2021
  • Լարվածության թուլացման եւ հակազդման քաղաքականության միջեւ

    17:18 | 16.04.2021
  • Որոնումների ժամանակ փրկարար է վիրավորվել

    16:45 | 16.04.2021
  • Արցախյան հիմնախնդրի բարձրաձայնման հորդոր

    16:21 | 16.04.2021

ընտրանի

  • 1

    Աղավնոյի «անկախ պետությունը»

  • 2

    Եթե հաղթեինք

  • 3

    Թուրքիայի եւ Ադրբեջանի հետ խոսել է պետք. մղձավանջային...

  • 4

    Պատերազմական դրվագներ։ Գոռ Սարկիսյան

  • 5

    Աննախադեպը

Facebook Youtube Email Telegram
Վարդան Հարությունյան

Իրավապաշտպան, հասարակական գործիչ` խորհրդային այլախոհի տպավորիչ կենսագրությամբ։ 2004-ին ստեղծել է «Իրավունքի եւ ազատության կենտրոնը», որի հիմնադիր ղեկավարն է։ Հրապարակել է հայ այլախոհության պատմությունը ներկայացնող երկու գիրք՝ «Այլախոհությունը խորհրդային Հայաստանում» եւ «Քաղբանտարկյալի պատմություն»։

Մեսրոպ Հարությունյան

Լրագրող, խմբագիր, փորձագետ, լրագրության ուսուցիչ, ում կենսագրությունը սկսվել է նախորդ դարի 80-ականներին Հայաստանի Մեղրու շրջանի «Արաքս» թերթից ու շարունակվել մեդիայի կայացման խառնարանում։ Նաեւ գրող է, պատմվածքների ու վեպերի չորս գրքի հեղինակ։

Վահրամ Աթանեսյան

Պատմաբան, լրագրող, հրապարակախոս, քաղաքական գործիչ։ Հայաստանի Գերագույն Խորհրդի (1990-95) Արցախից ընտրված պատգամավոր, 2000-2015 թվականներին Արցախի Ազգային ժողովի երեք գումարումների պատգամավոր։ «Հոգեւոր Հայաստանը եւ արդիականությունը» գրքի հեղինակն է։

Tatul Hakobyan
Թաթուլ Հակոբյան

Լրագրող, հրապարակախոս, պատմություն հետազոտող, որն առօրյա փաստերը, դրանց վրա հիմնված դատողություններն ու պատմական փորձառությունը հաջողությամբ միահյուսելով ստանում է ուրույն բովանդակություն։

արխիվ

Դեկտեմբերի 2020
Ե Ե Չ Հ Ու Շ Կ
 123456
78910111213
14151617181920
21222324252627
28293031  
« Նյմ   Հնվ »

@2020 - Բոլոր իրավունքները պաշտպանված են ՀՀ Օրենսդրությամբ: Ձևավորումը Ալիք Մեդիա