Ըստ Պեկինի օլիմպիական կազմկոմիտեի՝ Չինաստանում Ձմեռային օլիմպիական խաղերի հետ առնչություն ունեցող անձանց շրջանում քովիդի 37 նոր դեպք է հայտնաբերվել:
37-ից 28-ը գրանցվել է օդանավակայանում՝ ժամանողների, այդ թվում՝ ութ մարզիկների կամ պատվիրակության անդամների շրջանում, որոնք պետք է մասնակցեն խաղերին:
Պեկինում Օլիմպիական խաղերի բացումը տեղի կունենա փետրվարի 4-ին: Խաղերը կանցկացվեն մարզիկների, անձնակազմի եւ լրատվամիջոցների համար սանիտարական խիստ միջոցառումների պայմաններում, «փակ օղակը» կբաժանի նրանց հանրությունից:
Չարտերային թռիչքներով Պեկին ժամանող մարզիկներն ու պատվիրակության անդամները պարտավոր են Օլիմպիական խաղերի ընթացքում ամեն օր թեստ հանձնել:
Ռուս բիաթլոնիստ Վալերիա Վասնեցովայի թեստը դրական է եղել, նա բաց կթողնի Պեկինի մրցումները։ 24-ամյա Վասնեցովան Պեկինում մեկուսացվել է։