Ուկրաինայի ԶՈՒ Գլխավոր շտաբի տվյալներով՝ պատերազմի սկզբից ի վեր ռուսական բանակը Ուկրաինայում կորցրել է 302 հրետանային համակարգ, 54 ՀՕՊ համակարգ, 1694 միավոր զրահապատ մարտական մեքենա, 586 տանկ, 127 ուղղաթիռ, 123 ռազմական ինքնաթիռ եւ մոտ 17 հազար զինվորական։
Վլադիմիր Զելենսկիի աշխատակազմի ղեկավարի խորհրդական Միխայիլ Պոդոլյակը թվիթերյան գրառման մեջ նշել է, որ ՌԴ ԶՈՒ-ն միջին հաշվարկներով օրական 510-530 զինվորականի է կորցնում ուկրաինական հողում։
Պոդոլյակը արեւմտյան գործընկերներից զենք է խնդրում՝ նշելով, որ իրենց սպասված զենքի, մասնավորապես ծանր հեռահար հրետանային համակարգերի եւ արկերի առկայության դեպքում Ուկրաիանայի ԶՈՒ-ն ի վիճակի կլինի օրական ոչնչացնելու շուրջ 1500 ռուս զինվորի։