Հայաստանի պետական հետաքրքրությունների ֆոնդի (ԱՆԻՖ) եւ Air Arabia խմբի համատեղ ձեռնարկության՝ Հայաստանի ազգային ավիափոխադրող Fly Arna ավիաընկերությունը մեկնարկում է չվերթերը Երեւանից Թբիլիսի:
Ավիաընկերության օդանավերը Երևանի «Զվարթնոց» միջազգային օդանավակայանից երեքշաբթի, ուրբաթ եւ կիրակի օրերին կթռչեն Թբիլիսիի միջազգային օդանավակայան:
Դեպի Վրաստանի մայրաքաղաք թռիչքը Երեւանից կմեկնարկի 16:55-ին, իսկ Թբիլիսի կժամանի 17:40-ին:
Դեպի Հայաստանի մայրաքաղաք Թբիլիսիից թռիչքը կմեկնարկի 18:20-ից, իսկ Երեւան վայրէջք կկատարի 19:10-ին:
Սա Ազգային ավիափոխադրողի արդեն 5-րդ ուղղությունն է: