ՀԱՊԿ մամուլի ծառայությունից հայտնել են, որ Հավաքական անվտանգության պայմանագրի կազմակերպության գլխավոր քարտուղար Իմանգալի Թասմագամբետովը հանդիպել է ՌԴ անվտանգության խորհրդի քարտուղար Նիկոլայ Պատրուշեւի հետ:
Թասմագամբետովին շնորհավորելով ՀԱՊԿ գլխավոր քարտուղարի պաշտոնը ստանձնելու առթիվ՝ ՌԴ անվտանգության խորհրդի քարտուղարը պատրաստակամություն է հայտնել աջակցելու ՀԱՊԿ քարտուղարության առջեւ ծառացած առաջադրանքների իրագործման հարցում:
Զրուցակիցները քննարկել են մի շարք միջազգային հարցեր, մտքեր փոխանակել ՀԱՊԿ սահմանների երկայնքով ստեղծված իրավիճակի մասին: Ուշադրություն է դարձվել ՀԱՊԿ-ի հեղինակության բարձրացման եւ կազմակերպության միջազգային այլ կազմակերպությունների հետ համագործակցության, ինչպես նաեւ 2022-ին ՀԱՊԿ անդամ պետությունների ընդունած որոշումների կատարմանը վերաբերող հարցերին: