• Գլխավոր
  • Հաղորդումներ
    • PoliticON
    • Թաթուլ Հակոբյանի զրույցը
    • Էլուր
    • Ստվերում
    • Պատերազմի եւ խաղաղության արանքում
    • Ալիքի վրա
    • Տեղ սահմանի մոտ
    • Իրական օրակարգ
    • Կարմիր ժամանակներ
    • Վաղը
    • Չերեւան
    • Ուկրաինա | Պատերազմ
    • Թարգիր Լաո
    • Պարագիծ
    • Էկոդետ
    • Կարպիս Փաշոյանի զրույցը
  • Քաղաքականություն
    • Ներքին
    • Արտաքին
    • Հարեւաններ
    • Աշխարհ
  • Մենք
    • Հայաստան
    • Սփյուռք
  • Տնտեսություն
  • Մշակույթ
  • մեր մասին
  • գործընկերներ
  • Կապ
Aliq Media Armenia
  • Գլխավոր
  • Հաղորդումներ
    • PoliticON
    • Թաթուլ Հակոբյանի զրույցը
    • Էլուր
    • Ստվերում
    • Պատերազմի եւ խաղաղության արանքում
    • Ալիքի վրա
    • Տեղ սահմանի մոտ
    • Իրական օրակարգ
    • Կարմիր ժամանակներ
    • Վաղը
    • Չերեւան
    • Ուկրաինա | Պատերազմ
    • Թարգիր Լաո
    • Պարագիծ
    • Էկոդետ
    • Կարպիս Փաշոյանի զրույցը
  • Քաղաքականություն
    • Ներքին
    • Արտաքին
    • Հարեւաններ
    • Աշխարհ
  • Մենք
    • Հայաստան
    • Սփյուռք
  • Տնտեսություն
  • Մշակույթ
ՀայաստանՄենք

«Երեխաներս Արցախից տեղահանվելուց հետո դպրոց չեն հաճախել»

Հասմիկ Բալեյան 15:30 | 06.11.2023
Հասմիկ Բալեյան 15:30 | 06.11.2023
Արցախցի Դիանայի ընտանիքն աջակցության կարիք ունի

«2023 թվականի սեպտեմբերի 27-ին ես, ամուսինս ու յոթ զավակներս Ստեփանակերտից բռնի տեղահանվեցինք։ Մի կերպ դուրս եկանք։ Սարսափելի էր։ Ռազմական գործողությունների ընթացքում մտածում էի, որ գոնե երեխաներին ողջ ու առողջ դուրս հանենք այնտեղից։ Միայն մեր փաստաթղթերը կարողացանք վերցնել, ուրիշ ոչինչ»,- պատմում է բազմազավակ մայր Դիանա Ղարիբյանը։

Ընտանիքը հաստատվել է Արարատի մարզի Մասիս քաղաքում։ Դարձել են անտուն, չգիտեն ինչ անել, ինչպես լուծել ընտանիքի առջեւ ծառացած խնդիրները, ինչպես ապրել առանց հարազատ տան ու Արցախի։

«Շատ շնորհակալ եմ Մասիսի քաղաքապետ Դավիթ Համբարձումյանից։ Մեր բնակարանի վարձն անձամբ ինքն է տվել։ Ոչ միայն մեզ է օգնել, այլեւ շատ արցախցիների։ Մինչեւ վերջերս նրա վարձած բնակարանում էինք ապրում։ Օրերս ենք նոր տուն տեղափոխվել, քանի որ նախորդ բնակարանը մեծ էր, չէինք կարողանա ջեռուցել։ Դարձյալ հանդիպելու ենք պարոն Համբարձումյանի հետ։ Վստահ եմ՝ էլի կաջակցի մեզ»,- պատմում է Դիանա Ղարիբյանը։

Յոթ զավակներից չորսն անչափահաս են։ Երեքը դպրոցական են, 1-ին, 3-րդ, 6-րդ դասարաններում են սովորում, չորրորդը 9-րդ դասարանն ավարտելուց հետո դպրոցից դուրս էր եկել ու խոհարարական դասերի էր հաճախում։ Երկու ավագ որդիները պայմանագրային զինծառայող էին Արցախում, դուստրը Գրիգոր Նարեկացու անվան համալսարանի 4-րդ կուրսում էր սովորում։

Հատկապես երեխաների համար դժվար է նոր միջավայրին հարմարվելը։ Կրտսեր որդին մորը երբեմն խնդրում է ցույց տալ իրենց տան նկարները, ասում է՝ ուզում է գոնե նկարով իրենց տունը տեսնել։ Որդիների համադասարանցիներից ոմանք Մասիս քաղաքում են ապրում։ Երեխաները հաճախ են հանդիպում, հիմա ավելի շատ են կապված, ուզում են միասին ավելի շատ ժամանակ անցկացնել, խաղալ, խոսել։

Սոցիալական խնդիրները շատ են։ Արցախում Դիանայի երկու որդիներն ու ամուսինն աշխատանք ունեին, ինքն էլ երբեմն ժենգյալով հաց եւ բլիթներ էր թխում: Հիմա միայն ամուսինն է աշխատում (ավտոմեքենաներ է նորոգում)։ Երկու ավագ որդիները պետք է վարորդական իրավունք ստանան, իրենցը թողել են Արցախում՝ զորամասում, չեն կարողացել վերցնել։ Դիանան հույս ունի, որ որդիներն այստեղ նորը կստանան ու կկարողանան աշխատանքի անցնել։

«Ես էլ շատ կուզեի աշխատել, գոնե տանը բլիթներ ու ժենգյալով հաց թխել, բայց մեր այս բնակարանում պայմաններ չկան․ ո՛չ վառարան կա, ո՛չ նորմալ գազօջախ»,- ասում է Դիանան։

Ցավոք, հիմա սոցիալական խնդիրների պատճառով ո՛չ ուսանողուհի դուստրն է կրթությունը շարունակում, ո՛չ էլ երեք որդիներն են դպրոց հաճախում։ «Հագուստ ու գրենական պիտույքներ չկան։ Իհարկե, շատ են ուզում դպրոց գնալ, բայց դեռ հնարավորություն չկա»։ Հույս ունի, որ «Հայկական Կարմիր խաչի ընկերությունը» գրենական պիտույքներ եւ հագուստ կտրամադրի։

«Պետությունից ես ու երկու երեխաներս ենք 100-հազարական դրամ ստացել։ 50-հազարական դրամն էլ դեռ չեն փոխանցել։ Դիմել ենք Միասնական սոցիալական ծառայության Մասիսի տարածքային կենտրոն, ասել են՝ առաջիկայում փոխանցումները կանեն. սպասում ենք»,- պատմում է Դիանան։

Նա հույս ունի, որ աշխատանք կգտնեն, ընտանիքի սոցիալական վիճակը կբարելավվի, եւ ամենակարեւորը՝ երեխաները վերջապես դպրոց կհաճախեն։

Դիանայի ընտանիքին աջակցելու համար կարելի է զանգել նրան հետեւյալ հեռախոսահամարով՝ +374 98 720 475։

Hasmik Baleyan
Հասմիկ Բալեյան

Լրագրողն իր մասնագիտական գործունեությամբ հասարակական կարծիք է ձեւավորում։ Հենց ա՛յդ գիտակցումով եմ առաջնորդվում եւ աշխատում։

0
FacebookTwitterWhatsappTelegramEmail
նախորդը
ԿԸՀ-ն մանդատ է տրամադրել Ռոբերտ Քոչարյանի որդուն
հաջորդը
Եգիպտոս մեկնելուց առաջ անհրաժեշտ է ապահովագրվել. դեսպանություն

խմբագրական

  • Ռուսաստանը Արցախի իշխանություններին չի տեղեկացրել Ադրբեջանի կողմից 2023...

լրահոս

  • Իսրայելն ուժով կպատասխանի, եթե Սիրիայի կառավարությունը չկանխի դրուզներ...

  • Չենք պատրաստվում աշխարհով մեկ թռչել Կիեւի եւ Մոսկվայի...

  • Թրամփը հայտարարել է, որ մայիսի 8-ը կնշվի որպես...

  • ԵՄ-ը նոր պատժամիջոցներ է պատրաստում ՌԴ-ի դեմ՝ հրադադարից...

  • Դամասկոսում դրուզների հետ բախումներից հետո Սիրիայի կառավարությունը հայտարարել...

ընտրանի

  • 1

    Կարմիր գրքում գրանցված ծաղիկ է վաճառվում

  • 2

    Մեղուների քանակը նվազել է, բույսերի փոշոտումը՝ վատացել

  • 3

    Ի՞նչ է Պարկինսոնի հիվանդությունը, որո՞նք են ախտանշանները

  • 4

    Շարադրություն. Զոյա Բեգլարյան, «Իմ գյուղը»

  • 5

    Շարադրություն. Մարիամ Ղուկասյան, «Իմ գյուղը»

Facebook Youtube Email Telegram

արխիվ

Նոյեմբերի 2023
ԵԵՉՀՈւՇԿ
 12345
6789101112
13141516171819
20212223242526
27282930 
« Հկտ   Դկտ »
Quality Sign Colored

© 2024 - Բոլոր իրավունքները պաշտպանված են ՀՀ Օրենսդրությամբ: Ձևավորումը Ալիք Մեդիա
Գաղտնիության քաղաքականություն