Տնական լավաշ, Գյումրվա չեչիլ պանիր, տնական արդար յուղով սոխառած, եռացրած ջուր. Գյումրիում ամենատարածված ավանդական ուտեստի բաղադրատոմսն է ներկայացնում «Գվուկ» ռեստորանի սեփականատեր Համլետ Գեւորգյանը։
-Նախաճաշ, ինքը ավելի շատ նախաճաշի համար է, որովհետեւ կալորիաներով շատ հարուստ է։ Ես կհիշեմ կհավաքվեինք կիրակի օրերը, իմ տատը պանրխաշ կպատրաստեր, իրա թոռներին կկանչեր, բոլորին, միասին կուտեինք,- պատմում է նա։
10-12 տարեկանից է Համլետը սկսել պանրխաշ պատրաստել, հիմա էլ իր ռեստորանում՝ «Գվուկ»-ում է նույնն անում հյուրերի համար։
«Պատրաստման ձեւը շատ պարզ է, ընդամենը պետք են լավ բաղադրիչներ։ Ես պանրխաշ պատրաստել սովորել եմ տատիկիցս, իրա ձեւով կպատրաստեմ, ինքն էլ երեւի սովորել է իրա տատից։ Հին Գյումրվա ճաշատեսակ է պանրխաշը»,-ասում է Համլետը։
Նրա դիմաց՝ սեղանի վրա, դասավորված են բոլոր բաղադրիչները՝ տնական լավաշ, Գյումրվա չեչիլ պանիր, տնական արդար յուղով սոխառած ու եռացրած ջուր։
«Սկզբից կվերցնենք լավաշ, չորացրած՝ ավելի լավ է, որ ինքը շատ փափուկ չեղնի, մենք հետո ջուր բըդի ավելացնենք վրեն, եռացրած։ Ուրեմն մի շերտ լավաշ, մի շերտ լավ տնական չեչիլ պանիր՝ Գյուրմվա, ու ըդպես շերտերով, մոտավորապես չորս շերտ։
-Պանրի ու լավաշի շերտերից վրեն կավելացնենք սոխառած։ Տղամարդիկ ավելի համով կսարքեն, որովհետեւ կնիգ մարդիկ տնտեսեն գը, մենք ավելի շատ կլցնենք յուղն ու սոխառածը։
Սրանից հետո վրեն կավելացնենք եռացրած ջուր, իրա չափով, որ ինքը ոչ շատ փափուկ ստացվի ոչ շատ չոր։
Հետո ափսեով կծածկենք, որ իրա գոլորշին մեջը մնա, իրա գոլորշիով խաշվի։
Երկու րոպեից պանրխաշը պատրաստ է։
Բարի ախորժակ։
Նկարագրում եմ այն՝ ինչ չեմ կարող փոխել։