• Գլխավոր
  • Հաղորդումներ
    • PoliticON
    • Թաթուլ Հակոբյանի զրույցը
    • Էլուր
    • Ստվերում
    • Պատերազմի եւ խաղաղության արանքում
    • Ալիքի վրա
    • Տեղ սահմանի մոտ
    • Իրական օրակարգ
    • Կարմիր ժամանակներ
    • Վաղը
    • Չերեւան
    • Ուկրաինա | Պատերազմ
    • Թարգիր Լաո
    • Պարագիծ
    • Էկոդետ
    • Կարպիս Փաշոյանի զրույցը
  • Քաղաքականություն
    • Ներքին
    • Արտաքին
    • Հարեւաններ
    • Աշխարհ
  • Մենք
    • Հայաստան
    • Սփյուռք
  • Տնտեսություն
  • Մշակույթ
  • մեր մասին
  • գործընկերներ
  • Կապ
Aliq Media Armenia
  • Գլխավոր
  • Հաղորդումներ
    • PoliticON
    • Թաթուլ Հակոբյանի զրույցը
    • Էլուր
    • Ստվերում
    • Պատերազմի եւ խաղաղության արանքում
    • Ալիքի վրա
    • Տեղ սահմանի մոտ
    • Իրական օրակարգ
    • Կարմիր ժամանակներ
    • Վաղը
    • Չերեւան
    • Ուկրաինա | Պատերազմ
    • Թարգիր Լաո
    • Պարագիծ
    • Էկոդետ
    • Կարպիս Փաշոյանի զրույցը
  • Քաղաքականություն
    • Ներքին
    • Արտաքին
    • Հարեւաններ
    • Աշխարհ
  • Մենք
    • Հայաստան
    • Սփյուռք
  • Տնտեսություն
  • Մշակույթ
ՆերքինՔաղաքականություն

Բոլոր ճակատներում պարտվածը

Վարդան Հարությունյան 11:30 | 18.03.2021
Վարդան Հարությունյան 11:30 | 18.03.2021
nikol pashinyan

Ցանկացած պետություն լուրջ վտանգի է ենթարկվում, երբ դրա ղեկին են մոտենում ազգայնականները։ Վտանգն էլ ավելի է մեծանում, երբ ազգայնականները քրեականների հետ դաշինքի մեջ են մտնում։ Արդյունքում ստացվում է իշխանական մի համակարգ, որն ապրում է չգրված օրենքներով ու չգրված կանոններով։ Գրված օրենքներն ու սկզբունքները հետին պլան են մղվում ու երկիրը վերածվում է համատարած իրավախախտման տարածքի։

Նման երկրների օրինակներ շատ են եղել ու շատ կան։ Այսպիսին էր Հայաստանը 2000-ականների ողջ ընթացքում։ Ունեինք մերժելի իշխանություն, որից ազատվելու համար տարիներ շարունակ պայքարել ենք։ Վստահ էինք՝ ավելի վատ լինել չի կարող։ Թվում էր՝ կմերժենք հինը եւ ինչ էլ դրան փոխարինի՝ շատ ավելի լավն է լինելու։

Այսօր վստահորեն կարելի է արձանագրել, որ իշխանության ղեկին հայտնված ինքնասիրահարված, որեւէ գրված կամ չգրված օրենք չընդունող, անհավասարակշիռ, բախտախնդիր, բարոյական չափանիշներ ու արգելակներ չունեցող անձը երկրի համար շատ ավելի մեծ վտանգ է:

Ապացույցը մեր այսօրն է։ Անցյալի ողջ մերժելիին նոր ու ավելի բարդ խնդիրներ են գումարվել։ Կանգնած ենք աղետալի իրականության դեմ հանդիման ու չգիտենք՝ ինչ ենք անելու եւ ինչ է լինելու։

Իսկ այս իրականության կերտողն՝ առանց աչք թարթելու, առանց ամոթի ու մեղքի զգացումի հայտարարում է, թե անմեղ է ինքը։

Մեղք չունի, որ մերժված անցյալի բեռից ազատվելու ուղղությամբ ոչ մի նշանակալի քայլ չի արել։

Մեղք չունի, որ խոստմնազանց է եղել՝ հրապարակներում հանձն առած պարտավորությունները չի կատարել։

Մեղք չունի, որ ստել է ու ստել, որ ստում է ու ստում։

Մեղք չունի, որ իր անպատասխանատու ու անհավասարակշիռ քայլերով մեզ պարտություն խոստացող պատերազմի է տարել։

Հազարավոր երիտասարդ կյանքեր զոհելուց, հազարավոր երիտասարդների խեղելուց, այսքան կորուստներ արձանագրելուց հետո շարունակում է ինքնագոհ ու անվրդով ապրել ու իշխանությունը պահելու ծրագրեր մտմտալ։

Փաշինյանի դեպքում սեփական մեղքը չտեսնելը եւ չընդունելը պատահական չէ։ Սա վարքագիծ է։ Այդպես է նա ապրում։ Դրա լավագույն վկայությունը պատերազմի առաջին օրը խորհրդարանում նրա ունեցած ելույթի այս հատվածն է․ «Եկեք պայմանավորվենք, որ մենք երբեք մեզ, այլեւս ինչ էլ լինի, եթե նույնիսկ բոլորին թվա, թե մենք պարտվել ենք վերջնական եւ անշրջելիորեն, մենք մեզ պարտված չենք ճանաչի»։

Այս մեջբերումը բնութագրում է հեղինակի էությունը։ Ցույց է տալիս, որ նա իրականության հետ առերեսվել չի կամենում։ Չի պատրաստվում իր ակնհայտ պարտությունը ընդունել։ Բոլորը տեսնում ու արձանագրում են նրա պարտությունը, բոլորն իրենց ապագա ծրագրերը մշակում են այդ պարտությունը հաշվի առնելով, բոլորն այդ պարտության փաստի հետ հաշվի են նստում, իսկ նա՝ ոչ։

Չգիտի, որ հաջորդ պարտություններից խուսափելու համար պետք է պարտության հետ առերեսվել, կարողանալ հաշվի նստել պարտության փաստի հետ, վերլուծել ու խորապես հասկանալ պարտության պատճառները։

Միայն կամակոր, արկածախնդիր, անսկզբունք, կայուն համոզմունքներից զուրկ մարդն է ունակ չտեսնելու տալ իրականությունը։ Առանց բարդույթների, առանց հասարակական կարծիքի հետ հաշվի նստելու հայտարարել, թե չկա պարտություն։

Այստեղից էլ ծնվում է նրա ամբոխավարությունը։ Այստեղից է, որ պատերազմի զոհերի հիշատակի երթը, կամ մարտի 1-ի հանրահավաքը սեփական աջակցության ցույցի է վերածում։

Հավաքված բազմությունը նրա տարերքն է։ Ամբոխի վեր մեկնված ձեռքերը, ամբոխի բացականչությունները, ամեն ինչ ոտնատակ տալու, ամեն ինչ փշրելու ու ոչնչացնելու պատրաստակամությունը ոգեւորում է նրան։ Թող որ տապալվել է բոլոր ճակատներում։ Թող որ զիջել է ինչ պահանջել են։ Թող որ՝ ո՛չ ներսում, ո՛չ, հատկապես, դրսում, որպես վարչապետ չի ընկալվում։ Թող որ վտանգված են երկրի սահմանները։ Թող որ հակառակորդը երկրի սահմաններից ներս է իր ոտքը դրել։ Թող որ տարածաշրջանում երկիրը ամենաթույլն ու ամենաանպաշտպանն է, բայց գիտի՝ դեռ կարող է հրապարակում ամբոխ հավաքել։ Իր ձեռքի ցանկացած շարժում, իր ցանկացած բացականչություն այդ ամբոխը կրկնելու ու բազմապատկելու է։ Այս պարագան որոշիչ է։

Ով ինչ կուզի՝ թող ասի, որքան ակնհայտ կուզի՝ թող լինի պարտությունը, ինքը ոչ մի դեպքում իրեն մեղավոր չի համարելու ու ոչ մի դեպքում չի ընդունելու իր պարտությունը։

Վարդան Հարությունյան

Իրավապաշտպան, հասարակական գործիչ` խորհրդային այլախոհի տպավորիչ կենսագրությամբ։ 2004-ին ստեղծել է «Իրավունքի եւ ազատության կենտրոնը», որի հիմնադիր ղեկավարն է։ Հրապարակել է հայ այլախոհության պատմությունը ներկայացնող երկու գիրք՝ «Այլախոհությունը խորհրդային Հայաստանում» եւ «Քաղբանտարկյալի պատմություն»։

0
FacebookTwitterWhatsappTelegramEmail
նախորդը
Անարգանք  բազմամշակութայնության նկատմամբ
հաջորդը
1989-ից ի վեր առաջին պատժամիջոցը

խմբագրական

  • Ռուսաստանը Արցախի իշխանություններին չի տեղեկացրել Ադրբեջանի կողմից 2023...

լրահոս

  • Իսրայելն ուժով կպատասխանի, եթե Սիրիայի կառավարությունը չկանխի դրուզներ...

  • Չենք պատրաստվում աշխարհով մեկ թռչել Կիեւի եւ Մոսկվայի...

  • Թրամփը հայտարարել է, որ մայիսի 8-ը կնշվի որպես...

  • ԵՄ-ը նոր պատժամիջոցներ է պատրաստում ՌԴ-ի դեմ՝ հրադադարից...

  • Դամասկոսում դրուզների հետ բախումներից հետո Սիրիայի կառավարությունը հայտարարել...

ընտրանի

  • 1

    Կարմիր գրքում գրանցված ծաղիկ է վաճառվում

  • 2

    Մեղուների քանակը նվազել է, բույսերի փոշոտումը՝ վատացել

  • 3

    Ի՞նչ է Պարկինսոնի հիվանդությունը, որո՞նք են ախտանշանները

  • 4

    Շարադրություն. Զոյա Բեգլարյան, «Իմ գյուղը»

  • 5

    Շարադրություն. Մարիամ Ղուկասյան, «Իմ գյուղը»

Facebook Youtube Email Telegram

արխիվ

Մարտի 2021
ԵԵՉՀՈւՇԿ
1234567
891011121314
15161718192021
22232425262728
293031 
« Փտր   Ապր »
Quality Sign Colored

© 2024 - Բոլոր իրավունքները պաշտպանված են ՀՀ Օրենսդրությամբ: Ձևավորումը Ալիք Մեդիա
Գաղտնիության քաղաքականություն