Անհապաղ ազատել Ադրբեջանում պահվող հայ ռազմագերիներին

Իսպանիայում Հայաստանի դեսպանությունից հայտնել են, որ Իսպանիայի Պատգամավորների կոնգրեսի արտաքին գործերի հանձնաժողովն ընդունել է միջնորդություն, որով կառավարությանը հորդորում է Ադրբեջանի իշխանություններից պահանջել՝

— իրագործել 2020 թվականի նոյեմբերի 9-ի համաձայնագիրը,

— մարդկային վերաբերմունք ցուցաբերել ռազմագերիների նկատմամբ, անհապաղ ազատ արձակել բոլոր հայ քաղաքացիական անձանց եւ զինվորականներին, որոնք Ադրբեջանում պահվում են ռազմագերիների կարգավիճակով,

— տեղեկություններ տրամադրել Ադրբեջանում պահվող բոլոր անձանց վերաբերյալ,

— դուրս բերել զորքերը Հայաստանի Սյունիքի մարզից։