• Գլխավոր
  • Հաղորդումներ
    • PoliticON
    • Թաթուլ Հակոբյանի զրույցը
    • Էլուր
    • Ստվերում
    • Պատերազմի եւ խաղաղության արանքում
    • Ալիքի վրա
    • Տեղ սահմանի մոտ
    • Իրական օրակարգ
    • Կարմիր ժամանակներ
    • Վաղը
    • Չերեւան
    • Ուկրաինա | Պատերազմ
    • Թարգիր Լաո
    • Պարագիծ
    • Էկոդետ
    • Կարպիս Փաշոյանի զրույցը
  • Քաղաքականություն
    • Ներքին
    • Արտաքին
    • Հարեւաններ
    • Աշխարհ
  • Մենք
    • Հայաստան
    • Սփյուռք
  • Տնտեսություն
  • Մշակույթ
  • մեր մասին
  • գործընկերներ
  • Կապ
Aliq Media Armenia
  • Գլխավոր
  • Հաղորդումներ
    • PoliticON
    • Թաթուլ Հակոբյանի զրույցը
    • Էլուր
    • Ստվերում
    • Պատերազմի եւ խաղաղության արանքում
    • Ալիքի վրա
    • Տեղ սահմանի մոտ
    • Իրական օրակարգ
    • Կարմիր ժամանակներ
    • Վաղը
    • Չերեւան
    • Ուկրաինա | Պատերազմ
    • Թարգիր Լաո
    • Պարագիծ
    • Էկոդետ
    • Կարպիս Փաշոյանի զրույցը
  • Քաղաքականություն
    • Ներքին
    • Արտաքին
    • Հարեւաններ
    • Աշխարհ
  • Մենք
    • Հայաստան
    • Սփյուռք
  • Տնտեսություն
  • Մշակույթ
ՆերքինՔաղաքականություն

Համերաշխություն քարոզելով՝ առողջացնել քաղաքական համակարգը

aliq 15:00 | 16.06.2021
aliq 15:00 | 16.06.2021
Lusavor Hayastan logo
«Ալիք Մեդիան» հարցաշար էր ուղարկել ԱԺ հունիսի 20-ի արտահերթ ընտրություններին մասնակցող քաղաքական կուսակցություններին եւ դաշինքներին։ Ներկայացնում ենք «Լուսավոր Հայաստան» կուսակցության պատասխանները։
Ինչո՞ւ որոշեցիք մասնակցել ընտրություններին։

Որովհետեւ ունենք հաստատուն կամք՝ քաղաքականության միջոցով նպաստելու ուժեղ պետականության կայացմանը մեր գիտելիքով եւ կենսափորձով։

Ո՞րն է առանձնահատուկ այն ծրագիրը, որը միայն ձեր քաղաքական ուժը կարող է առաջադրել եւ իրականացնել։

Լուսավորչականությունը։ Այն է՝ քաղաքացիներին համերաշխություն քարոզելով՝ առողջացնել քաղաքական համակարգը՝ բացառելով ատելության, տգիտության եւ անօրինականության գերակայության որեւէ դրսեւորում։

2020 թվականի 44-օրյա պատերազմի արդյունքում նոյեմբերի 10-ին ընդունվեց եռակողմ մի հայտարարություն, որը, թվում է, նախադուռն է մեծ համաձայնագրի։ Նոյեմբերյան հայտարարության հիմքով ինչպիսի՞ն եք տեսնում մասնավորապես Արցախի ապագան եւ ընդհանրապես տարածաշրջանի կայունությունն ու անվտանգությունը։

Արցախի ապագան սահմանված է Հայաստանի Հանրապետության անկախության հռչակագրով։ Այն է՝ միացում Մայր Հայրենիքի հետ։

Ստորագրված եռակողմ հայտարարության այն մասերը, որոնք չեն հակասում միջազգային իրավունքին եւ ՀՀ օրենսդրությանը, պետք է շարունակվեն կատարվել։ Օրինակ՝ բոլոր ռազմագերիների փոխանակումը եւ այլն։

Իսկ մնացած հատվածները, որոնք ընդունվել են միջազգային իրավունքի եւ ՀՀ օրենսդրության կոպիտ խախտմամբ, պետք է ընդունվեն որպես փաստ, որոնց վերացմանը պետք է ուղղված լինի ՀՀ դիվանագիտական եւ ռազմաքաղաքական աշխատանքը։ Օրինակ՝ տարածքային զիջումներ, հայկական զորքերի տեղաշարժ եւ այլն։

Վերջին մոտ կես տարում տարածաշրջանում Ռուսաստանի դերի կտրուկ մեծացմանը զուգահեռ հասարակության մեջ ուժգնանում են նաեւ հակառուսական տրամադրությունները։ Ձեր կարծիքով սա կարո՞ղ է հանգեցնել աշխարհաքաղաքական կողմնորոշման փոփոխության, եւ ո՞վ կարող է զբաղեցնել ավանդական ռազմավարական դաշնակցի տեղը։

Առանձին սնուցվող հակառուսական տրամադրությունները չեն կարող դիտարկվել որպես ուժգնացող միտում։ Միեւնույն ժամանակ չպետք է եւ անտեսվեն։

Միակ ռազմավարական դաշնակցի հետ հարաբերությունների վատացման ցանկացած քաղաքական գործընթաց, որը հակասում է հայկական ազգային եւ պետական շահին, պետք է կասեցնել՝ հաշվի առնելով այն բարդ աշխարհաքաղաքական իրավիճակը, որտեղ հայտնվել են Հայաստանի եւ Արցախի Հանրապետությունները։

Ռազմավարական դաշնակցային հարաբերությունների փոփոխության օրակարգ չկա եւ առաջիկայում չի կարող լինել։

Քառասունչորսօրյա պատերազմում կրած պարտությունը հաղթահարելու եւ, ի հետեւանք դրա, առաջացած համընդհանուր (պետական, ազգային, անհատական) ընկճվածությունից դուրս գալու ի՞նչ միջոցներ եք տեսնում։

Քաղաքացիական համերաշխություն եւ հասարակության հասունություն՝ կրթության, սոցիալ֊մշակութային, հոգեւոր դաստիարակության բոլոր եղանակներով տգիտության եւ սպառողականության դեմ պայքարի միջոցով։

Ողջախոհության եւ առողջ քաղաքական համակարգի ձեւավորում՝ իշխանությունների տարանջատման եւ համագործակցության իրական կառուցակարգի երաշխավորմամբ։

Տնտեսությանը ճկունություն տալու միջոցով սրընթաց վերականգնում՝ ներդրումային միջավայրի բարելավման, արդյունավետ պետական կառավարման եւ արդարադատության երաշխավորման միջոցով։

Բանակի արմատական փոփոխության հայեցակարգի կենսագործում՝ պրոֆեսիոնալ բանակի եւ «յուրաքանչյուր քաղաքացի-պատրաստված զինվոր» տրամաբանությամբ։

Սոցիալական արդարության, խիստ իրավակարգի եւ սոցիալական վարքագծի դրսեւորման բարոյաէթիկական անխախտ կանոնների ամրապնդում։

Հնարավո՞ր է, որ Հայաստանը տարածաշրջանում դառնա ինքնուրույն դերակատար եւ կարողանա սեփական շահերը հակադրել/համադրել այլոց ձգտումներին եւ հետաքրքրություններին։ Ի՞նչ պետք է անել դրա համար։

Ոչ միայն հնարավոր է, այլեւ անհրաժեշտ է։

Անհատ֊հասարակություն֊պետություն փոխկապվածության վերաիմաստավորում եւ համընդհանուր պայքար հանուն լուսավորչականության՝ քաղաքական չափահասության։

Այսկերպ հնարավոր է դառնում զգայական պետականությունից անցնել դատողական պետականության մակարդակ եւ հիմքեր գցել մարդկային ռեսուրսների զարգացման ու արդյունավետ օգտագործման ուղղությամբ։

Չպետք է լինի մարդկային ռեսուրս, որը հնարավորություն չի ստանա զարգանալու եւ դրա արդյունքը հանուն ազգային շահի ու հայկական պետականության զարգացման ուղղությամբ օգտագործելու։

Թուրքիայի հետ հարաբերությունների նորմալացման հեռանկար տեսնո՞ւմ եք։

Այո՛։ Բոլոր հարեւանների հետ պետք է նորմալացնել հարաբերությունները, սակայն դա հնարավոր համարում ենք միայն այն դեպքում, երբ այդ հարեւանները չեն խախտի Հայաստանի Հանրապետության, հայ ժողովրդի կենսական շահերն ու իրավունքները, չեն կատարի պատերազմական եւ մարդկության դեմ ուղղված հանցագործություններ, ինչպես նաեւ միջազգային իրավունքի այլ կոպիտ խախտումներ։ Իսկ արդեն տեղի ունեցած խախտումների համար կկրեն դրանցից բխող պատասխանատվությունը՝ որպես հետագայում նույնը չկրկնելու երաշխիք։

Նոյեմբերյան հայտարարությունից հետո շատ է խոսվում հաղորդակցության ուղիների ապաշրջափակման մասին։ Միաժամանակ նշվում է, որ դրա նախապայմանը Ադրբեջանին Մեղրիով միջանցք տրամադրելն է։ Հնարավո՞ր է կայուն տրանսպորտային հաղորդակցություն (երկաթուղի, ավտոճանապարհներ Ռուսաստանի, Իրանի հետ) առանց այդ նախապայմանը բավարարելու։ Եթե այո, ինչպե՞ս։ Եթե ոչ, ո՞րն է լուծումը։

Ճանապարհների շրջափակում, իհարկե, հնարավոր է եւ պետք է, սակայն դա չպետք է արվի հայկական ազգային ու պետական շահի հաշվին։

Ադրբեջանի հետ ճանապարհների ապաշրջափակում հնարավոր է միայն ռազմագերիների վերադարձի, Արցախի Հանրապետության, Հայաստանի Հանրապետության, վերջիններիս քաղաքացիների դեմ շարունակվող միջազգային հանցագործությունների դադարեցման եւ դրանց հետեւանքները վերացնելու պարագայում։

Ադրբեջանի հետ սահմանագծում-սահմանազատումն, ամենայն հավանականությամբ, արվելու է խորհրդային վերջին քարտեզներով։ Հասարակությունը, տարբեր փորձագետներ դրանում լուրջ վտանգներ են տեսնում։ Ուրիշ ի՞նչ տարբերակ կառաջարկեիք, որը կբավարարեր երկու կողմերին եւ վերջ կդներ սահմանային լարվածությանը։

Սահմանազատման եւ սահմանագծման աշխատանքները հնարավոր են միայն Արցախի հիմնախնդրի վերջնական լուծման աշխատանքների հետ զուգահեռ՝ միջազգային իրավունքի հիման վրա՝ հաշվի առնելով սահմանային տարածքների կենսական նշանակության եւ մարդու իրավունքների պաշտպանության տրամաբանությունը։ Այս գործընթացներն առանձնացնելը վնասում է հայկական ազգային եւ պետական շահին, եւ հետեւաբար չեն կարող սկսվել։

Հավատո՞ւմ եք, որ հունիսի 20-ի ընտրությունները լինելու են ազատ, արդար եւ թափանցիկ։

Հավատալը քաղաքական հայեցակարգ չէ։ Բոլոր օրինական ռեսուրսները գործի ենք դնելու, որ ընտրություններն անցկացվեն ՀՀ օրենսդրության տառին եւ ոգուն համապատասխան։

Կա՞ն արդյոք քաղաքական ուժեր, որոնց հետ բացառում եք համագործակցության որեւէ ձեւաչափ։

Այսօրվա արտաքին անվտանգային մարտահրավերներին դիմագրավելու համար Ազգային համերաշխության կառավարություն ձեւավորելու պարագայում չենք բացառում համագործակցությունը որեւէ քաղաքական ուժի հետ։

Այլ պարագայում բացառում ենք համագործակցությունը Նիկոլ Փաշինյանի, Սերժ Սարգսյանի, Ռոբերտ Քոչարյանի գլխավորած, ինչպես նաեւ այն քաղաքական ուժերի հետ, որոնց գործունեության մեջ առկա է կամ կարող է լինել հակաիրավական տարր։

Ընտրություններում հաղթելուց եւ կառավարություն ձեւավորելուց հետո որո՞նք են լինելու ձեր քաղաքական ուժի առաջին երեք քայլերը։

Ազգային համերաշխության կառավարության ձեւավորում եւ քաղաքական համակարգի առողջացում,
Անվտանգային համակարգի արմատական վերանայում. բանակաշինություն եւ ժողովրդագրություն,
կրթադաստիարակչական, հոգեւոր֊մշակութային համընդգրկուն բարեփոխումներ։

արտահերթ ընտրություններ 2021կուսակցություններ/դաշինքներ
0
FacebookTwitterWhatsappTelegramEmail
նախորդը
Երկարաժամկետ խաղաղության եւ կայունության օգտին
հաջորդը
Առանց ականապատման քարտեզների ականազերծումը 10 տարի կտեւի

Նման հոդվածներ

8-րդ գումարման խորհրդարանի կազմը

17:55 | 22.07.2021

Մանդատից հրաժարվել է 20 թեկնածու

18:54 | 21.07.2021

«Հայաստան» դաշինքը կվերցնի մանդատները

16:03 | 20.07.2021

Քոչարյանը հրաժարվել է մանդատից

22:38 | 19.07.2021

ՍԴ-ն անփոփոխ թողեց ԿԸՀ-ի որոշումը

21:37 | 17.07.2021

ՍԴ-ն հուլիսի 9-ին կքննի դիմումները

17:49 | 05.07.2021

խմբագրական

  • Ռուսաստանը Արցախի իշխանություններին չի տեղեկացրել Ադրբեջանի կողմից 2023...

լրահոս

  • Իսրայելն ուժով կպատասխանի, եթե Սիրիայի կառավարությունը չկանխի դրուզներ...

  • Չենք պատրաստվում աշխարհով մեկ թռչել Կիեւի եւ Մոսկվայի...

  • Թրամփը հայտարարել է, որ մայիսի 8-ը կնշվի որպես...

  • ԵՄ-ը նոր պատժամիջոցներ է պատրաստում ՌԴ-ի դեմ՝ հրադադարից...

  • Դամասկոսում դրուզների հետ բախումներից հետո Սիրիայի կառավարությունը հայտարարել...

ընտրանի

  • 1

    Բնության հետ ներդաշնակ տնտեսություն․ երեք պատմություն Վայոց ձորից

  • 2

    Ի՞նչ է Պարկինսոնի հիվանդությունը, որո՞նք են ախտանշանները

  • 3

    Կրթության նոր մեթոդներ, որոնք ձեւավորում են քննադատական ու...

  • 4

    2024-ի հունվարի 1-ից կենսաթոշակը նոր ձեւով կհաշվարկեն

  • 5

    «Աղբահանության վճարի թանկացման որոշումը պետք է վիճարկել դատարանում»․...

Facebook Youtube Email Telegram

արխիվ

Հունիսի 2021
ԵԵՉՀՈւՇԿ
 123456
78910111213
14151617181920
21222324252627
282930 
« Մյս   Հլս »
Quality Sign Colored

© 2024 - Բոլոր իրավունքները պաշտպանված են ՀՀ Օրենսդրությամբ: Ձևավորումը Ալիք Մեդիա
Գաղտնիության քաղաքականություն