Ըստ գերմանական Bild պարբերականի՝ Գերմանիայի Դաշնային Հանրապետության նախկին կանցլեր Անգելա Մերկելին Բեռլինի սուպերմարկետներից մեկում գնումներ կատարելու ժամանակ կողոպտել են։
Մերկելը զրկվել է դրամապանակից, որը գողացել են սայլակից կախված պայուսակից։ Նշվում է, որ առեւտրի ժամանակ նախկին քաղաքական գործչին ուղեկցել են թիկնապահները։ Մերկելը դեպքի մասին տեղեկացրել է ոստիկանությանը, սակայն ինչ վնաս է կրել՝ չի հստակեցվում։
Ավելի վաղ հայտնի էր դարձել, որ թոշակի անցնելով՝ Մերկելը որոշել է իր ամբողջ ժամանակը տրամադրել ինքնակենսագրական գիրք գրելուն։ Համահեղինակը կլինի նախկինում Մերկելի խորհրդականի պաշտոնը զբաղեցրած Բեատե Բաումանը։
Ըստ գերմանական DPA գործակալության՝ 2005-2021 թվականներին Գերմանիայի կանցլեր Անգելա Մերկելը փետրվարի 18-ին մերժել է ՄԱԿ-ի գլխավոր քարտուղար Անտոնիու Գուտերեշի՝ բարձր մակարդակի խորհրդական աշխատելու առաջարկը: