• Գլխավոր
  • Հաղորդումներ
    • Թաթուլ Հակոբյանի զրույցը
    • Էլուր
    • Ստվերում
    • Պատերազմի եւ խաղաղության արանքում
    • Ալիքի վրա
    • Տեղ սահմանի մոտ
    • Իրական օրակարգ
    • Կարմիր ժամանակներ
  • Քաղաքականություն
    • Ներքին
    • Արտաքին
    • Հարեւաններ
    • Աշխարհ
  • Մենք
    • Հայաստան
    • Սփյուռք
  • Տնտեսություն
  • Մշակույթ
  • русская редакция
  • մեր մասին
  • գործընկերներ
  • Կապ
Aliq Media Armenia
  • Գլխավոր
  • Հաղորդումներ
    • Թաթուլ Հակոբյանի զրույցը
    • Էլուր
    • Ստվերում
    • Պատերազմի եւ խաղաղության արանքում
    • Ալիքի վրա
    • Տեղ սահմանի մոտ
    • Իրական օրակարգ
    • Կարմիր ժամանակներ
  • Քաղաքականություն
    • Ներքին
    • Արտաքին
    • Հարեւաններ
    • Աշխարհ
  • Մենք
    • Հայաստան
    • Սփյուռք
  • Տնտեսություն
  • Մշակույթ
  • русская редакция
ՀայաստանՄենք

«Միջազգային» գյուղ՝ տեղական խնդիրներով

Մարիամ Սարգսյան 19:00 | 04.07.2022
Մարիամ Սարգսյան 19:00 | 04.07.2022
Karmrashen village

Մոտ 50 րոպե. հենց այսքան ժամանակ պահանջվեց Վայոց ձորի մարզի Կարմրաշեն բնակավայր տանող 7 կիլոմետրն անցնելու համար: Կառուցումից ի վեր երբեք ասֆալտ չտեսած այս ճանապարհով վարելը դժվար է հատկապես տեղանքին անծանոթ վարորդների համար: Մեկ անգամ գնալու դեպքում էլ զգուշացնում են՝ էլ չեն անցնի այդտեղով: Ճանապարհին կատարվող միակ աշխատանքը փոսալցումն է, որ դիմանում է մինչեւ հաջորդ անձրեւ:

Karmrashen villageԿարմրաշենը ժամանակին «միջազգային» գյուղ է եղել, այսպես են բնութագրում բնակիչները: Ռուսներ, ադրբեջանցիներ, թուրքեր, բելառուսներ, ուկրաինացիներ կողք կողքի ապրել ու կառուցել են «Արփա-Սեւան» թունելը: Նախկին բանավանում իրենց երբմենի կեցության մասին հիշեցնում են միայն երկհարկանի տները, որ կառուցվել են այլազգի շինարարների համար:

Karmrashen village
Karmrashen village
Karmrashen village

1981-ին ավարտվել է թունելի կառուցումը, որից հետո օտարազգիներից մնացել են միայն թուրքերը, ադրբեջանիցները: Նրանք էլ 1988-ի Արցախյան շարժման ընթացքում են գնացել Կարմրաշենից: Նարիբեկ պապը հիշում է ադրբեջանցի ու թուրք դասընկերներին, հարեւաններին, ասում է՝ նրանց հետ եղբոր պես են ապրել:

«Իրենք հայերեն գիտեին, մենք՝ թուրքերեն: Հիմա ես 95 տոկոսով թուրքերեն գիտեմ, հայերից շատ թուրք ընկերներ եմ ունեցել: 1988-ին առոք-փառոք ճանապարհել ենք: Ընկեր ունեի, անունը Նասրադե էր, տարիներ առաջ գտել էր, զանգել: Հիմա կապ չկա: Արդեն դուշման ենք, 2020-ի պատերազմից հետո էլ չենք կարող առաջվա պես լինել»,-ասում է Նարիբեկ պապը:

Տարիների ընթացքում գյուղը կամաց-կամաց դատարկվել է: Հիմա Կարմրաշենում գրանցված 219 գյուղացուց միայն 120 հոգին է մշտական բնակվում: Շատերն էլ ամռան ամիսներին գալիս են, մեղվաբուծությամբ ու հողագործությամբ զբաղվում, ձմռանը՝ գնում:

Avetis AvetisyanԳյուղի վարչական ղեկավար Ավետիս Ավետիսյանը հայտնում է՝ խոստացել են վերակառուցել ճանապարհը: Ասում են՝ արդեն ֆինանսավորում կա, մնում է՝ մրցույթ հայտարարվի, սկսեն աշխատանքները: Տասնյակ անգամներ լսած ու անգիր արած խոստմանը գյուղացիներն այս անգամ էլ են հավատում:

Armenak ArustamyanԱրմենակ Առուստամյանը համայնքապետարանի օպերատորն է: Նաեւ հեռակա սովորում է Երեւանում: Այժմ գյուղում է ապրում, բայց իր ու եղբոր ապագան Կարմրաշենում դժվար է պատկերացնում: Թե հիմնական աշխատանք գտնեն, կմնան, թե չէ, ստիպված կլինեն իրենք էլ «սեզոնային» ապրող դառնալ: Բայց Արմենակը վստահ է, որ ճանապարհը կկառուցվի, մարդիկ գյուղում կմնան, կնպաստեն զարգացմանը։ «Կարմրաշենում տարբեր հնավայրեր կան, Վայոց սարն է այստեղ: Ճանապարհի կառուցումը նաեւ գյուղական տուրիզմի զարգացմանը կնպաստի: Տարեկան մոտ 120-150 հյուր է գալիս մեր գյուղ, բայց նրանց թիվը կարող է բազմապատկվել, եթե պայմաններ լինեն»:

Karmrashen village
Karmrashen village
Karmrashen village

Գյուղապետարանի շենքը մյուս տներից միայն դրոշով է տարբերվում: Կիսաքանդ կառույցի մոտ հավաքված գյուղացիների մեջ կանայք չկան: Տղամարդիկ ասում են՝ հին սովորություն է՝ կանայք տան գործին պիտի լինեն: Իրենք էլ երբեմն հավաքվում են գյուղամիջում, քննարկում քաղաքականությունն ու պարարատանյութերի գները եւ գնում իրենց գործերով:

Karmrashen villageԿորնգան, առվույտ, ցորեն, հաճար, գարի են ցանում: Ցանքատարածությունները ոռոգելի չեն: Աստծո հույսով են. անձրեւ եկավ, բերք կլինի, չեկավ, չի լինի: Այս տարի անձրեւաշատ է, ուրախ են: Խմելու ջուրն էլ ձմռանը հաճախ չի լինում: Գյուղի աղբյուրը, որ անասուններին ջրելու համար է, ձմռան ամիսներին նաեւ բնակիչներին է օգնության հասնում:

Karmrashen villageԳյուղում հիմնականում մնացել են միջին տարիքի բնակիչները: Երիտասարդներից շատերն աշխատանք չունենալու պատճառով հեռանում են: 67-ամյա Սոս Թովմասյամը կնոջ հետ է ապրում: 10 տարուց ավելի է՝ բոլոր երեխաները երեւանամերձ բնակավայրեր են տեղափոխվել: Հայրը նրանց վերադարձը չի պատկերացնում, ասում է՝ գոնե այնտեղ մի գործ գտնում են, գան Կարմրաշեն, ի՞նչ անեն:

Գյուղում վերջին անգամ 3 տարի առաջ է հարսանիք եղել: Կարմրաշենում երիտասարդ աղջիկների չես գտնի, փոխարենը մոտ 30 տարեկան 25-30 չամուսնացած տղաներ կան: Իրենք ծնողներին չեն ուզում թողնել մենակ, աղջիկներն էլ Կարմրաշեն հարս չեն գալիս, ասում են՝ վաղը, մյուս օրը երեխան որտե՞ղ գնա մանկապարտեզ, ինչո՞վ զբաղվի:

Karmrashen villageԵրեխաների միակ զբաղմունքը դպրոց հաճախելն ու ֆուտբոլ խաղալն է: Բնակիչները հպարտությամբ են պատմում՝ ֆուտբոլիստ Ռոման Բերեզովսկին Կարմրաշենում ապրած ռուսների երեխա է:

Գյուղի դպրոցում ութ աշակերտ կա, տասն՝ ուսուցիչ: Մի քանի դասարաններում սովորողներ չկան: Դավիթ Համբարձումյանը պատմության 26 տարվա ուսուցիչն է, բայց կրթությունը գյուղատնտեսական է:

Davit Hambardzumyan«Երկիրը որ քանդվեց, դպրոցի տնօրենը տեսավ, որ ունակություններս համապատասպանում են, ընդունվեցի աշխատանքի»,-պատմում է մանկավարժը: Վստահեցնում է, որ երեխաներին որակյալ կրթություն են տալիս, միայն թե աշակերտների միջեւ մրցակցություն չկա, ու քչերն են կարողանում լավ սովորել:

Karmrashen villageԳյուղի միակ խանութը, որ 22 տարվա պատմություն ունի, աշխատեցնում է Արմենը: Ասում է՝ ամբողջ խանութում մի լավ կոնյակի գնի ապրանք է՝ առաջին անհրաժեշտության մթերք եւ ըմպելիք: Խոտքաղի սեզոնին է առեւտուրը մի քիչ ակտիվանում, հետո օրերով կարող է խանութ մտնող չլինել: Բայց փոքր խանութի պարտքացուցակը մեծ է:

Գյուղի 70-ամյա բուժքույր Մարետ տատը խանութի մշտական հաճախորդն է: Ամեն առավոտ կաթ է հանձնում, օրվա փոքրիկ առեւտուրն անում: Կյանքի 50 տարին բուժքրոջ աշխատանքին նվիրած կինն իր գործը մինչ օրս պատասխանատվությամբ է կատարում: Հպարտությամբ է պատմում՝ կորոնավիրուսի համավարակի ընթացքում Կարմրաշենի բնակիչների 95 տոկոսից ավելին իր հորդորով է պատվաստվել, իր խոսքին հավատում են:

Karmrashen village

Մարետ տատի երկու երեխաներն էլ արտերկրում են, նրանց վերջին անգամ մի քանի տարի առաջ է տեսել: Մարիամ անունով դստեր կարոտն ինձնից է առնում, բայց Կարմրաշեն հաճախ այցելելու խոստմանս չի հավատում. «Բոլորն էդպես են ասում, բայց Կարմրաշեն չեն գալիս»,-համակերպված ժպտում է Մարետ տատը:

0
FacebookTwitterWhatsappTelegramEmail
նախորդը
Վրաստանը մեկ տարով արգելեց ցորենի արտահանումը
հաջորդը
Հանդիպել են Իրանի եւ Ադրբեջանի արտգործնախարարները

խմբագրական

Ադրբեջանն ու Հայաստանն ընդդեմ Ռուսաստանի՞

Promotion Image

Ուկրաինա․ մարդկային պատմություններ

Կացարանում 200 մարդ կա, նույնիսկ ջուր չունենք

լրահոս

  • Հումանիտար օգնության միջոցների դեֆիցիտը՝ 33 միլիարդ դոլար

    12:23 | 13.08.2022
  • Ղարաբաղի հայերը կարգավիճակ ու արտոնություն չեն ունենա․ Ալիեւ

    11:45 | 13.08.2022
  • «Գրան-պրի» մրցանակ՝ 115 երկրի 3950 մասնակիցների մեջ

    22:10 | 12.08.2022
  • Այլեւս լրագրողներին տեղեկություն չհաղորդել․ Զելենսկի

    20:05 | 12.08.2022
  • Ամռան սկզբին ՌԴ-ից Հայաստան է փոխանցվել 452 միլիոն...

    19:41 | 12.08.2022

ընտրանի

  • 1

    44-օրյա պատերազմի մասնակից վիրավոր զինվորին չեն թոշակավորում

  • 2

    1997-ի փուլայինով պահում էինք Լաչինի ամբողջ շրջանը

  • 3

    Ինչպես էր կառուցվում միացումը

  • 4

    Հայաստանը զբոսաշրջիկների աչքերով

  • 5

    Երբ երեխադ հաշմանդամություն ունի

Facebook Youtube Email Telegram

արխիվ

Հուլիսի 2022
Ե Ե Չ Հ Ու Շ Կ
 123
45678910
11121314151617
18192021222324
25262728293031
« Հնս   Օգս »

© 2022 - Բոլոր իրավունքները պաշտպանված են ՀՀ Օրենսդրությամբ: Ձևավորումը Ալիք Մեդիա