«Լրագրողներ հանուն մարդու իրավունքների» ՀԿ-ի ղեկավար Ժաննա Ալեքսանյանը Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում տեղի ունեցած եւ առնվազն 15 զինվորի կյանք խլած հրդեհի առնչությամբ հայտարարել է, որ պաշտպանության նախարար Սուրեն Պապիկյանը պարտավոր է հրապարակային մեղայականով հանդես գալ, հանրությանը ներկայացնել դեպքի մանրամասները, մեղավորներին եւ հայտարարել հրամանատարական կազմին քրեական պատախանատվության ենթարկելու եւ ոչ թե նրանց պաշտոններից հեռացնելու մասին։
«Հռչակված զորամասը դա գյուղական մի տուն է եղել եւ զինվորներին փրկելու համար ստիպված են եղել տան պատերը քանդել, խայտառակ մի իրավիճակ։ Մեր ունեցած տեղեկություններով այս պահին Պապիկյանը նույնիսկ դեպքի վայրում չէ։ Ինչ հեշտ են զոհվում մեր զինվորները։ Ցավակցում եմ ընտանիքներին»,- իր ֆեյսբուքյան գրառման մեջ նշել է Ժաննա Ալեքսանյանը։