• Գլխավոր
  • Հաղորդումներ
    • PoliticON
    • Թաթուլ Հակոբյանի զրույցը
    • Էլուր
    • Ստվերում
    • Պատերազմի եւ խաղաղության արանքում
    • Ալիքի վրա
    • Տեղ սահմանի մոտ
    • Իրական օրակարգ
    • Կարմիր ժամանակներ
    • Վաղը
    • Չերեւան
    • Ուկրաինա | Պատերազմ
    • Թարգիր Լաո
    • Պարագիծ
    • Էկոդետ
    • Կարպիս Փաշոյանի զրույցը
  • Քաղաքականություն
    • Ներքին
    • Արտաքին
    • Հարեւաններ
    • Աշխարհ
  • Մենք
    • Հայաստան
    • Սփյուռք
  • Տնտեսություն
  • Մշակույթ
  • մեր մասին
  • գործընկերներ
  • Կապ
Aliq Media Armenia
  • Գլխավոր
  • Հաղորդումներ
    • PoliticON
    • Թաթուլ Հակոբյանի զրույցը
    • Էլուր
    • Ստվերում
    • Պատերազմի եւ խաղաղության արանքում
    • Ալիքի վրա
    • Տեղ սահմանի մոտ
    • Իրական օրակարգ
    • Կարմիր ժամանակներ
    • Վաղը
    • Չերեւան
    • Ուկրաինա | Պատերազմ
    • Թարգիր Լաո
    • Պարագիծ
    • Էկոդետ
    • Կարպիս Փաշոյանի զրույցը
  • Քաղաքականություն
    • Ներքին
    • Արտաքին
    • Հարեւաններ
    • Աշխարհ
  • Մենք
    • Հայաստան
    • Սփյուռք
  • Տնտեսություն
  • Մշակույթ

Շրջապատը Հայաստանին թույլ չի տա հանգիստ ապրել․ ֆրանսահայ գործիչ

aliq 13:25 | 06.09.2023
aliq 13:25 | 06.09.2023
Հիլդա Չոբոյան

«Ֆրանսիան այլեւս չի խոսում Արցախի ինքնորոշման մասին, եւ սա Հայաստանի իշխանությունների՝ Արցախն Ադրբեջանի կազմում ճանաչելու մասին վերջին ամիսների հայտարարությունների ուղիղ հետեւանքն է»,- «Առավոտ»-ին տված հարցազրույցում հայտարարել է ֆրանսահայ հասարակական գործիչ Հիլդա Չոբոյանը։ Նա շեշտել է, որ Արցախ հումանիտար բեռների տեղափոխման նախաձեռնողը ոչ թե Ֆրանսիայի կառավարությունն է, ինչպես պատկերացնում են շատերը, այլ երկրի տեղական ինքնակառավարման մարմինները, այսինքն՝ քաղաքապետարանները եւ շրջանները։ Չոբոյանը նշել է, որ նախաձեռնության կազմակերպիչներն այնքան էլ հույս չունեին, որ ճանապարհը պետք է բացվեր իրենց համար։ «Կարծում եմ՝ բոլորն էլ գիտեին, որ ճանապարհը փակ է եւ փակ պետք է մնա, բայց սա Ադրբեջանի վրա ճնշում գործադրելու ձեւ էր, որն առայժմ ուղիղ արդյունք չտվեց։ Բայց պետք է նկատել, որ այդ ճնշումն իսկապես գործադրվեց Ադրբեջանի վրա, որովհետեւ Ալիեւը խոստովանեց, որ իր վրա շատ մեծ ճնշում կա։ Եվ սա ճնշման մեկ բաժինն էր»,- նշել է Հիլդա Չոբոյանը։

 ՀՀ ներկայացուցիչներն Արցախի հարցը որպես քաղաքական հարց չբարձրացրին

«Արդյո՞ք Ֆրանսիան կկոշտացնի դիրքորոշումն Ադրբեջանի նկատմամբ» հարցին ի պատասխան ֆրանսահայ հասարակական գործիչն ասել է, որ Ֆրանսիան  Արցախի ժողովրդի դեմ տեղի ունեցող գործընթացների մասին ճիշտ դիրքորոշումներ հայտնելով հանդերձ, փորձում է որոշ չափով հավասարակշռված քայլեր անել եւ դիվանագիտական միջոցներով լուծումներ գտնել։ Չոբոյանը նկատում է, որ Ֆրանսիայի իշխանություններն, ավաղ, այլեւս չեն խոսում Արցախի հավաքական իրավունքների մասին։ «Խոսում են ժողովրդի, մարդկային իրավունքների մասին, բայց քաղաքական իրավունքների մասին՝ ո՛չ։ Սա Հայաստանի իշխանությունների քաղաքականությունն է, եւ մենք սա շատ հստակ տեսանք ՄԱԿ-ի Անվտանգության խորհրդի նիստում, երբ Հայաստանի ներկայացուցիչները Արցախի հարցը որպես քաղաքական հարց չբարձրաձայնեցին։ Նույնիսկ մարդասիրական ճգնաժամից դուրս գալու քաղաքական լուծման մասին չխոսվեց, միայն ճանապարհը բացելու մասին խոսվեց»,- նշել է Չոբոյանը։

Ալիեւը պատրաստ չէ դիվանագիտական լուծումների

Հարցին՝ «Ֆրանսիայի իշխանությունը ի՞նչ նախաձեռնությամբ է խոստացել հանդես գալ, եւ ի՞նչ կփոխի դա ստեղծված իրավիճակում», ֆրանսահայ գործիչը պատասխանել է, որ իր անձնական դիտարկումներով Ալիեւը պատրաստ չէ դիվանագիտական լուծումների, հետեւաբար կարիք չկա մեծ հույսեր կապելու այդ նախաձեռնության հետ։ «Ալիեւն ուզում է ամբողջությամբ տիրանալ Հայաստանի շրջաններին ու Արցախին։ Եվ այս դիվանագիտական գործունեությունն Ալիեւի հետ իսկապես չի գործում»,- նշել է Չոբոյանը։ Նա հավելել է, որ Էմանուել Մակրոնն անպայման ուզում է դերակատարություն ունենալ այդ խնդրի լուծման գործում, որովհետեւ Ֆրանսիայի հայ համայնքի գործոնը կա։

Հայաստանի  պետական կառուցվածքն ամբողջական վերանայման կարիք ունի

Հարցին՝ «ի՞նչ հնարավորություն ու լուծում եք տեսնում այսօրվա իրավիճակում», ֆրանսահայ հասարակական գործիչը պատասխանել է, որ կարճատեւ հատվածում այս հարցին լուծում չի տեսնում։ «Իմ կարծիքով՝ ամբողջական վերանայման կարիք ունի Հայաստանի պետական տեսլականը, պետության կառուցվածքը»,- շեշտել է նա։ Ըստ Չոբոյանի՝ հիմնովին պետք է վերանայվի ինքնապաշտպանական համակարգը, որովհետեւ ՀՀ-ն այս վիճակում ընդունակ չէ  ինքն իրեն պաշտպանելու։ «Հայաստանի դեպքում երեւակայել, թե Շվեյցարիայի կամ այլ երկրների պես այստեղ մարդիկ պետք է անհոգ ապրեն, դա այդպես չէ։ Հայաստանի շրջապատը թույլ չի տա հանգիստ ապրել, հետեւաբար հսկայական գործ կա անելու, բայց երկար ջանք է պահանջվելու։ Եվ արդեն շատ-շատ ժամանակ ենք կորցրել»,- եզրափակել է ֆրանսահայ հասարակական գործիչը։

0
FacebookTwitterWhatsappTelegramEmail
նախորդը
Հայաստան ներմուծվող թռչնամսի մեջ ախտածին մանրէներ են հայտնաբերվել
հաջորդը
Վարչապետ Նիկոլ Փաշինյանը Գյումրիում է

խմբագրական

  • Ռուսաստանը Արցախի իշխանություններին չի տեղեկացրել Ադրբեջանի կողմից 2023...

լրահոս

  • Իսրայելն ուժով կպատասխանի, եթե Սիրիայի կառավարությունը չկանխի դրուզներ...

  • Չենք պատրաստվում աշխարհով մեկ թռչել Կիեւի եւ Մոսկվայի...

  • Թրամփը հայտարարել է, որ մայիսի 8-ը կնշվի որպես...

  • ԵՄ-ը նոր պատժամիջոցներ է պատրաստում ՌԴ-ի դեմ՝ հրադադարից...

  • Դամասկոսում դրուզների հետ բախումներից հետո Սիրիայի կառավարությունը հայտարարել...

ընտրանի

  • 1

    Կարմիր գրքում գրանցված ծաղիկ է վաճառվում

  • 2

    Մեղուների քանակը նվազել է, բույսերի փոշոտումը՝ վատացել

  • 3

    Ի՞նչ է Պարկինսոնի հիվանդությունը, որո՞նք են ախտանշանները

  • 4

    Շարադրություն. Զոյա Բեգլարյան, «Իմ գյուղը»

  • 5

    Շարադրություն. Մարիամ Ղուկասյան, «Իմ գյուղը»

Facebook Youtube Email Telegram

արխիվ

Սեպտեմբերի 2023
ԵԵՉՀՈւՇԿ
 123
45678910
11121314151617
18192021222324
252627282930 
« Օգս   Հկտ »
Quality Sign Colored

© 2024 - Բոլոր իրավունքները պաշտպանված են ՀՀ Օրենսդրությամբ: Ձևավորումը Ալիք Մեդիա
Գաղտնիության քաղաքականություն