Արցախի նախագահ Սամվել Շահրամանյանը հրամանագիր է ստորագրել, որով մինչեւ 2024-ի հունվարի 1-ը Լեռնային Ղարաբաղը` Արցախը, դադարում է գոյություն ունենալուց։ Ըստ հրամանագրի՝ մինչեւ հունվարի 1-ը պետհամակարգը պետք է լուծարվի։
ԼՂ-ի բնակչությունը հրամանագրի ուժի մեջ մտնելուց հետո ծանոթանում է Ադրբեջանի ներկայացրած վերինտեգրման պայմաններին՝ անկախ եւ անհատական որոշում կայացնելու նպատակով։
«Համաձայն հրամանագրի՝ ստեղծված ռազմաքաղաքական ծանր իրավիճակի կապակցությամբ՝ ելնելով Արցախի ժողովրդի ֆիզիկական անվտանգության եւ կենսական շահերի ապահովման առաջնահերթությունից՝ հաշվի առնելով ռուսական խաղաղապահ ուժերի հրամանատարության միջնորդությամբ ձեռք բերված պայմանավորվածությունը։ Ադրբեջանի Հանրապետության ներկայացուցիչների հետ պայմանավորվելով, որ Լեռնային Ղարաբաղի բնակիչների, այդ թվում՝ զենքերը վայր դրած զինվորականների ազատ, կամավոր եւ անխոչընդոտ ճանապարհորդությունն ապահովվում է Լաչինի միջանցքի երկայնքով մեքենաների վրա իրենց գույքով եւ առաջնորդվելով սույն օրենքի 93-րդ հոդվածով: Լեռնային Ղարաբաղի Սահմանադրությունը, որոշվել է.
- Մինչեւ 2024 թվականի հունվարի 1-ը լուծարել գերատեսչական ենթակայության բոլոր պետական հիմնարկները եւ կազմակերպությունները, եւ Լեռնային Ղարաբաղի (Արցախի) Հանրապետությունը դադարում է գոյություն ունենալ։
- Լեռնային Ղարաբաղի բնակչությունը, այդ թվում՝ հանրապետությունից դուրս գտնվող բնակչությունը, սույն հրամանագրի ուժի մեջ մտնելուց հետո ծանոթանում է Ադրբեջանի Հանրապետության կողմից ներկայացված վերաինտեգրման պայմաններին՝ անկախ եւ անհատական որոշում կայացնելու նպատակով՝ ապագայում Լեռնային Ղարաբաղում մնալու (վերադառնալու) հնարավորության մասին.
Սույն հրամանագիրն ուժի մեջ է մտնում հրապարակման պահից անմիջապես հետո»։