Կրթության եւ աշխատանքի հնարավորություն արցախցիների համար

Թումո ակադեմիան արցախցիներին անվճար սովորելու, կրթաթոշակ ստանալու եւ 6 ամսվա ընթացքում Թումոյում կրտսեր դասընթացավար դառնալու հնարավորություն է ընձեռում։ Դիմել կարող են 21 տարեկանը լրացած բոլոր արցախցիները` անկախ մասնագիտությունից, գիտելիքից եւ փորձից:

Ակադեմիան հնարավորություն է տալիս վեց ամսում ձեռք բերելու նոր մասնագիտություն եւ հաջողությամբ ավարտելու դեպքում միանալու Թումոյի թիմին:

Ուսումնական ծրագրի ամբողջ ընթացքում ակադեմիայի բոլոր ուսանողները կստանան կրթաթոշակ`

1-3 ամիսների ընթացքում` ամսական 75 000 դրամ,

4-6 ամիսների ընթացքում` ամսական 120 000 դրամ։

Դասընթացները տեղի կունենան ինտենսիվ գրաֆիկով` շաբաթական 5 օր, օրական 8 ժամ տեւողությամբ: Այժմ դիմումներ են ընդունվում հետեւյալ մասնագիտություններով՝

Կապանում` ֆիլմերի ստեղծում, նկարչություն, գրաֆիկական դիզայն, խաղերի մշակում, եռաչափ մոդելավորում,

Դիլիջանում` անիմացիա, խաղերի մշակում, եռաչափ մոդելավորում, գրաֆիկական դիզայն,

Երեւանում` երաժշտություն, անիմացիա, լուսանկարչություն, ֆիլմերի ստեղծում, խաղերի մշակում, եռաչափ մոդելավորում, նկարչություն, գրաֆիկական դիզայն։

Դիմում կարելի է ներկայացնել՝ լրացնելով հայտը։