Գազայի հատվածում պատերազմի սկզբից ի վեր զոհվել է 1799 մարդ, վիրավորվել՝ 6388-ը: Տեղեկությունը հրապարակել է Պաղեստինի առողջապահության նախարարությունը:
Ըստ New York Times-ի՝ հոկտեմբերի 7-ի՝ ՀԱՄԱՍ-ի հարձակումից ի վեր իսրայելական ուժերը Հորդանան գետի արեւմտյան ափին եւ Երուսաղեմում սպանել են 44 պաղեստինցիների: Նրանցից 8-ը սպանվել են հոկտեմբերի 13-ին Հորդանան գետի արեւմտյան ափի որոշ հատվածներում բախումների ժամանակ։
Բախումները սկսվել են այն բանից հետո, երբ հազարավոր մարդիկ մասնակցել են Հորդանան գետի արեւմտյան ափով Գազայի հատվածի հետ համերաշխության երթերին: