Ուկրաինական կողմը դեռեւս չի արձագանքել ամառվանից սկսված հակահարձակման ընթացքում Ուկրաինայի զինված ուժերի կորուստների մասին ՌԴ պաշտպանության նախարար Սերգեյ Շոյգուի հայտարարությանը, որը նա արել էր Չինաստան Անվտանգության 10-րդ համաժողովում։ Փոխարենը Ուկրաինայի զինված ուժերի գլխավոր շտաբն ամփոփել է հակառակորդի կորուստների թվերը հոկտեմբերի 30-ի դրությամբ։
Ըստ այդմ՝ Ուկրաինայի զինուժը պատերազմի ամբողջ ընթացքում ոչնչացրել է ՌԴ զինված ուժերի 9555 միավոր մարտական մեքենաներ եւ ավտոցիստեռներ, 1014 միավոր հատուկ ռազմական տեխնիկա, 7202 միավոր հրետանային համակարգ, 9775 միավոր զրահամեքենա, 559 միավոր Հակաօդային պաշտպանության համակարգ, օպերատիվ-մարտավարական մակարդակի 5419 միավոր ԱԹՍ, 5190 հրասայլ, 726 միավոր համազարկային կրակի ռեակտիվ համակարգ, 20 ռազմանավ (եւ մոտորանավ), 324 ռազմական ուղղաթիռ, 321 ռազմական ինքնաթիռ, 1544 միավոր թեւավոր հրթիռ եւ շուրջ 299 հազար 940 ռուսաստանցի զինվորական։