Իրանը ողջունում է եւ պատրաստ է աջակցելու. Իրանի ԱԳՆ խոսնակ

Իրանի ԱԳՆ պաշտոնական ներկայացուցիչ Նասեր Քանանին դեկտեմբերի 11-ին անդրադարձել է Հայաստանի եւ Ադրբեջանի՝ փոխադարձ գործողությունների եւ համագործակցության՝ ներառյալ երկու կողմերի գերիների ազատ արձակման վերաբերյալ վերջերս արված համատեղ հայտարարությանը: Ողջունելով հայտարարությունը՝ Քանանին դա «դրական իրադարձություն» է որակել։

Իրանի ԱԳՆ խոսնակը հավելել է, որ կայուն խաղաղության հասնելը պահանջում է տարածաշրջանային կողմերի միջեւ խաղաղ հռետորաբանության եւ վստահության մթնոլորտի ամրապնդում: «Հուսով ենք, որ այդ միջոցները կհանգեցնեն երկու կողմերի միջեւ խաղաղության եւ կայունության: Իրանը պատրաստ է աջակցելու երկու երկրներին տարածաշրջանային խաղաղության եւ անվտանգության ապահովման գործում»: