ՀՀ տարածքում դեկտեմբերի 18-ին կան փակ եւ դժվարանցանելի ավտոճանապարհներ։ Փրկարար ծառայությունից հայտնել են, որ փակ են Արագածոտնի մարզում «Ամբերդ» բարձրլեռնային օդերեւութաբանական կայանից Քարի լիճ տանող ավտոճանապարհը, Սյունիքի մարզի Կապան-Սիսիան-«Զանգեր» ավտոճանապարհը բեռնատարների համար։
Վարդենյաց լեռնանցքը դժվարանցանելի է կցորդիչով բեռնատարների համար: Դժվարանցանելի են նաեւ Շիրակի մարզի Բավրա, Լանջիկ, Ջաջուռ գյուղերի ավտոճանապարհները:
Տիգրանաշենի ոլորաններում եւ Արագածոտնի մարզի ավտոճանապարհներին մերկասառույց է։ Սյունիքի մարզի բարձրադիր հատվածներում մառախուղ է:
Ստեփանծմինդա-Լարս ավտոճանապարհը փակ է բեռնատարների համար: Դրա մասին հայտնել են Վրաստանի ՆԳՆ ԱԻ դեպարտամենտից եւ ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից:
Վարորդներին խորհուրդ է տրվում երթեւեկել բացառապես ձմեռային անվադողերով։