Հայաստանի Հանրապետության տարածքում դեկտեմբերի 23-ին եւ 24-ին շրջանների մեծ մասում սպասվում են տեղումներ, լեռնային շրջաններում՝ ձյուն եւ բուք, ճանապարհներին՝ նաեւ մերկասառույց։
Օդի ջերմաստիճանը դեկտեմբերի 23-ի գիշերը կբարձրանա 4-6 աստիճանով։
Դեկտեմբերի 24-ի կեսօրից հետո Շիրակում, Լոռիում, Տավուշի նախալեռներում, Արագածոտնում, Կոտայքում, Գեղարքունիքում, Վայոց ձորում, Սյունիքի նախալեռներում սպասվում է ձյուն, առանձին հատվածներում՝ քամու ուժգնացում՝ 20-25մ/վ, բուք, ճանապարհներին՝ մերկասառույց։
Երեւանում դեկտեմբերի 23-ին եւ 24-ին սպասվում են տեղումներ, քաղաքի բարձրադիր գոտում՝ թաց ձյուն, ցածրադիր գոտում՝ ձնախառն անձրեւ։
Հիդրոօդերեւութաբանության եւ մոնիտորինգի կենտրոնից հայտնել են, որ մայրաքաղաքում դեկտեմբերի 23–ի ցերեկը կլինի 5-7 աստիճան, երեկոյան ժամերին՝ 3-5 աստիճան տաքություն։