Սանկտ Պետերբուրգի կենտրոնում ուղեւորափոխադրող ավտոբուսն ընկել է Մոյկա գետը։ TACC-ը հղում կատարելով Արտակարգ իրավիճակների նախարարության ծառայություններին գրում է, որ կա երեք զոհ, իսկ հոսպիտալացվածների թիվը հասնում է վեցի։
Ռուսական «Фонтанка» պարբերականը գրում է, որ ավտոբուսը բախվել է ամբարտակի վրա գտնվող երկու ավտոմեքենայի, ճեղքել ցանկապատն ու ընկել ջուրը։
Ոստիկանությունը հայտնել է, որ ավտոբուսում մոտ 20 մարդ է եղել: Ներկա պահին դեպքի վայրում փրկարարական գործողություն է իրականացվում։
Ավտոբուսի վարորդը կալանավորվել է։ Հարուցվել է քրեական գործ՝ ճանապարհային երթեւեկության կանոնները խախտելու եւ անզգուշության պատճառով երկու եւ ավելի անձանց մահ պատճառելու հոդվածով։