Իրանի նախագահ Մասուդ Փեզեշքիանը շնորհավորել է Վրաստանի վարչապետ Իրակլի Կոբախիձեին ընտրություններում տարած հաղթանակի կապակցությամբ։
Իրանի նախագահի ուղերձը տարածել է Վրաստանում Իրանի դեսպանությունը.
«Ցանկանում եմ ի սրտե շնորհավորել Ձերդ Գերազանցությանը եւ վրաց ժողովրդին խորհրդարանական հաջող ընտրությունների եւ այդ ընտրություններում «Վրացական երազանք» կուսակցության հաղթանակի կապակցությամբ։
Հուսանք, այս ընտրությունները, որ վրաց ժողովրդի կամարտահայտությունն են, կդառնան վրաց ժողովրդի առաջընթացի եւ բարօրության սկիզբը, երկու երկրների միջեւ կամրապնդեն հարաբերությունները եւ կզարգացնեն համագործակցությունը:
Տիրոջից հայցում եմ Ձերդ Գերազանցության առողջությունը եւ հաջողություններ, իսկ բարեկամ վրաց ժողովրդին` հաջողություններ»,- ասված է հաղորդագրությունում։
Նշենք, որ բացի հարեւան Հայաստանից, Ադրբեջանից եւ Թուրքիայից՝ «Վրացական երազանք»-ին ընտրություններում տարած հաղթանակի կապակցությամբ շնորհավորել են միայն Վենեսուելան, Հունգարիան, Չինաստանը եւ Իրանը։
ԱԼԻՔ ՄԵԴԻԱ ՎՐԱՍՏԱՆ