Հայաստանի քաղաքացիական հասարակության կազմակերպությունները ողջունում են հունվարի 14-ին Վաշինգտոնում ՀՀ արտգործնախարար Արարատ Միրզոյանի եւ ԱՄՆ պետքարտուղար Էնթոնի Բլինքենի ստորագրած ՀՀ — ԱՄՆ ռազմավարական գործընկերության հանձնաժողովի կանոնադրության ստորագրումը։
Քաղհասարակության կազմակերպությունների հայտարարությունն ամբողջությամբ ներկայացնում ենք ստորեւ․
Քաղաքացիական հասարակության ներքոստորագրյալ կազմակերպությունների անունից ողջունում ենք Հայաստանի Հանրապետության եւ Ամերիկայի Միացյալ Նահանգների միջեւ Ռազմավարական գործընկերության հանձնաժողովի կանոնադրության ստորագրումը։
Այս գործընկերությունը բացում է նոր հնարավորություններ ինչպես Հայաստանի, այնպես էլ ամբողջ տարածաշրջանի համար՝ նպաստելով տարածաշրջանային անվտանգությանը, խաղաղ եւ արժանապատիվ համակեցությանը, տնտեսական համագործակցությանը։ Կողմերն ընդգծում են նաեւ ժողովրդավարության, մարդու իրավունքների եւ իրավունքի գերակայության արժեքները, որոնց ամրապնդումը հաստատապես կնպաստի Հայաստանի զարգացմանը, ինքնիշխանությանը եւ անվտանգությանը։
Կոչ ենք անում Հայաստանի կառավարությանը լիարժեքորեն օգտվել այս գործընկերության հնարավորություններից՝ բազմապատկելով ժողովրդավարության ամրապնդման ջանքերը եւ ապահովելով ներառականություն, թափանցիկություն եւ մասնակցայնություն։
Մնալով անշեղ եւ հանձնառու գործընկեր այս գործընթացում՝ վերահաստատում ենք մեր պատրաստակամությունը համագործակցելու Հայաստանի կառավարության, Ամերիկայի Միացյալ Նահանգների եւ այլ գործընկեր կառույցների հետ՝ ՀՀ-ԱՄՆ ռազմավարական գործընկերության նպատակներն իրագործելու համար»։
Ստորագրյալ կազմակերպություններ
Գործընկերություն հանուն բաց հասարակության հարթակ
Ժողովրդավարության զարգացման հիմնադրամ
Հելսինկյան քաղաքացիական ասամբլեայի Վանաձորի գրասենյակ
Թրանսփարենսի Ինթերնեշնլ հակակոռուպցիոն կենտրոն
Ժուռնալիստների «Ասպարեզ» ակումբ
Իրազեկ քաղաքացիների միավորում
«Իրավունքների պաշտպանություն առանց սահմանների» ՀԿ
Իրավունքի զարգացման եւ պաշտպանության հիմնադրամ
Հանրային լրագրության ակումբ
«Խաղաղության երկխոսություն» ՀԿ
Անվտանգային քաղաքականության հետազոտական կենտրոն
«Հաշմանդամություն ունեցող անձանց իրավունքների օրակարգ» ՀԿ
«Իրական աշխարհ, իրական մարդիկ» ՀԿ
«Հանուն հավասար իրավունքների» կրթական կենտրոն
Գլոբալիզացիայի եւ տարածաշրջանային համագործակցության վերլուծական կենտրոն