Չափազանց թանկ, չափազանց կեղծված

Ըստ ամերիկյան The Wall Street Journal-ի՝ Մեքսիկայում եւ Լեհաստանում Pfizer ընկերության՝ կորոնավիրուսի դեմ կեղծված պատվաստանյութեր են հայտնաբերվել:

Մեքսիկայի կլինիկաներից մեկում շուրջ 80 մարդ ստացել է կեղծված պատվաստանյութ՝  մեկ չափաբաժնի համար մոտ 1000 դոլար արժողությամբ: Սրվակները կեղծված մակնշում են ունեցել:

Ինչ վերաբերում է Լեհաստանում հայտնաբերված կեղծված պատվաստանյութին, սրվակներում, ամենայն հավանականությամբ, կնճիռների դեմ դեղամիջոց է եղել:

Լեհաստանի իշխանությունները հայտարարել են, որ երկրում ոչ ոք կեղծված պատվաստանյութ չի ստացել:

The Wall Street Journal-ը նշել է, որ Մեքսիկայի եւ Լեհաստանի իշխանությունները հետաքննության ընթացքում առգրավել են կեղծ սրվակները:

Pfizer ընկերությունը եւս հաստատել է, որ դրանք կեղծված պատվաստանյութեր են: