Ըստ ադրբեջանական լրատվամիջոցների՝ Ադրբեջանի նախագահ Իլհամ Ալիեւը հայտարարել է, որ երկրում կոմանդոսների բրիգադ է ստեղծվել, որը նորություն է Ադրբեջանի ԶՈՒ-ի համար:
Նա հավելել է, որ նոր զորամիավորման ներկայացուցիչները Հադրութի զորամասում են: Իլհամ Ալիեւը մասնակցել է զորամասի բացմանը եւ կնոջ եւ որդու ուղեկցությամբ մարտական դրոշ է հանձնել զորամասին:
Ալիեւը նշել է, որ այդ զորամիավորումը կկարողանա կատարել ցանկացած մարտական խնդիր, այնտեղ կծառայեն պատրաստվածության բարձր մակարդակ ունեցող անձինք։
Այնուհետեւ Ալիեւները ծանոթացել են ուսումնական կենտրոնի աշխատանքներին, հետեւել ուսումնական վարժանքներին: