• Գլխավոր
  • Հաղորդումներ
    • PoliticON
    • Թաթուլ Հակոբյանի զրույցը
    • Էլուր
    • Ստվերում
    • Պատերազմի եւ խաղաղության արանքում
    • Ալիքի վրա
    • Տեղ սահմանի մոտ
    • Իրական օրակարգ
    • Կարմիր ժամանակներ
    • Վաղը
    • Չերեւան
    • Ուկրաինա | Պատերազմ
    • Թարգիր Լաո
    • Պարագիծ
    • Էկոդետ
    • Կարպիս Փաշոյանի զրույցը
  • Քաղաքականություն
    • Ներքին
    • Արտաքին
    • Հարեւաններ
    • Աշխարհ
  • Մենք
    • Հայաստան
    • Սփյուռք
  • Տնտեսություն
  • Մշակույթ
  • մեր մասին
  • գործընկերներ
  • Կապ
Aliq Media Armenia
  • Գլխավոր
  • Հաղորդումներ
    • PoliticON
    • Թաթուլ Հակոբյանի զրույցը
    • Էլուր
    • Ստվերում
    • Պատերազմի եւ խաղաղության արանքում
    • Ալիքի վրա
    • Տեղ սահմանի մոտ
    • Իրական օրակարգ
    • Կարմիր ժամանակներ
    • Վաղը
    • Չերեւան
    • Ուկրաինա | Պատերազմ
    • Թարգիր Լաո
    • Պարագիծ
    • Էկոդետ
    • Կարպիս Փաշոյանի զրույցը
  • Քաղաքականություն
    • Ներքին
    • Արտաքին
    • Հարեւաններ
    • Աշխարհ
  • Մենք
    • Հայաստան
    • Սփյուռք
  • Տնտեսություն
  • Մշակույթ
ՀայաստանՄենք

Բերդավան․ կառուցվող տներ, խարխլվող անվտանգություն

Տաթեւիկ Ճուղուրյան 15:30 | 12.04.2024
Տաթեւիկ Ճուղուրյան 15:30 | 12.04.2024

Բերդավանի բնակիչ Մարիետա Ամիրաղյանն իրենց տան պատշգամբից հայ-ադրբեջանական սահմանագծին մոտ Ղալինջաքար ամրոցն ու եկեղեցին է ցույց տալիս՝ բացատրելու համար, թե որքան մոտիկ են ապրում իրենք ու թշնամին։ Հետո հիշում է համագյուղացի Կարեն Ղազարյանի հետ վեց տարի առաջ պատահածը, թե ինչպես էր Բերդավանի՝ սահմանին ամենամոտը գտնվող «թուրքի թաղ»-ի բնակիչը հայտնվել Ադրբեջանում եւ գերեվարվել։ Ու ժողովուրդը նորից սկսել էր վախով ապրել։

Սահմանի մոտ տագնապն անսովոր չէ, ասում է տիկին Մարիետան․ 88-ից այս կողմ իրենց գլխով շատ բան է անցել՝ պատերազմ, դրանից հետո՝ չդադարող կրակոցներ, թշնամու կողմից հողերի, արոտավայրերի զավթում, անասնագողություն եւ այլն։ Բայց այն, ինչի առաջ կանգնած են այսօր, սովորական հարց չէ։

Մարիետա Ամիրաղյան«Անհանգիստ ենք շատ, որովհետեւ գիտենք, եթե էդ գյուղերը «փակվեցին», գազն էլ, հոսանքն էլ կտրվելու են։ Ճանապարհը փակվեց՝ արդեն սննդամթերքի պակաս ա լինելու։ Թոռնիկս հիմա երրորդ դասարանում ա սովորում, չի թողնում, որ լուրեր լսենք, վախենում ա։ Էրեխեքն ինտերնետով ամեն ինչ տեսնում են, չես կարողանում արգելել։ Դրա համար մենք իր տանը եղած ժամանակ լուրեր չենք միացնում»,- պատմում է բերդավանցի կինը։

Հայաստանի եւ Ադրբեջանի միջեւ սահմանազատումը բոլոր բնակավայրերում է քննարկվող թիվ մեկ թեման դարձել։ Սահմանազատման գործընթացով Ադրբեջանը Հայաստանից թեեւ Բաղանիսին, Ոսկեպարին, Կիրանցին ու Բերքաբերին կից ներկայում չբնակեցված տարածքներն է պահանջում, բայց մյուս գյուղերում էլ  մարդիկ համոզված են՝ ամբողջ մարզի անվտանգությունն է սպառնալիքի տակ դրվում։

Բերդավան44-օրյա պատերազմից ու հատկապես Արցախի հայաթափումից հետո տրամադրություններն այստեղ այլ են։ Կռվելու, պայքարելու հարց չի դրվում, այլ տունուտեղն «ինքնակամ» թողնելու։

«Հարսս գյուղապետարանում գեղմասի վարիչ ա, մշակութային շատ լավ բաներ են կազմակերպում, շատ շնորհալի երիտասարդներ կան գյուղում, բայց մարդիկ հավես չունեն, որ գնան, ինչ-որ բանի մասնակցեն։ Տրամադրությունների անկումը երեւի էս իրավիճակից է, բոլորն են հավեսից կտրվում։ Ուզում եմ լավատես լինել, որ էստեղ Արցախի «խաղը» չի կրկնվելու»,- ասում է տիկին Մարիետան, ապա ավելացնում՝ ջահելներն աշխատանք չունեն, շատերն են խոպան գնում, հիմա արդեն կգնան ու հետ չեն գա։

Ամուսինը՝ 72-ամյա Միշա Ազատյանը, որ նախկինում որպես հրամանատար Տավուշի ինքնապաշտպանության առաջնագծում է եղել եւ կամավոր  զորավարժությունների է մասնակցում նաեւ այսօր, համոզված է՝ սահմանազատումը բազում այլ խնդիրներից բացի արտագաղթի է հանգեցնելու։

Միշա Ազատյան«Շատ դժվար հարց ա։ Եթե էդ հողը տվինք, մեր մի քանի գյուղեր երեւի թե կդատարկվեն։ Նոյեմբերյան-Իջեւան հատվածը փակվում ա, նոր ճանապարհ սարքելն էլ բարդ ա, որովհետեւ մեր սարերն ուրիշ են, էստեղ անմատչելի ա նման բան անելը։ Հայաստանում, եթե լավ ման գաք, կտեսնեք, որ ինչքան հարթավայր կա, սաղ թուրքերի ձեռին ա, սարերի մեջ մեզ բերել են, խեղդել։ Բայց պետք չի ոչ մի բանից վախենալ»,- ասում է Բերդավանի բնակիչը, միաժամանակ նշում՝ փախչելու տեղ ու մտադրություն չունեն։ Ավելին՝ պատրաստվում են նոր տուն կառուցել։

Ազատյանները Բերդավանի այն ընտանիքներից են, որոնց պետական ծրագրով տուն կառուցելու հայտը հաստատվել է։ Շինարարության թույլտվությունն արդեն կա, 16 միլիոն դրամ հիփոթեքային վարկը ստանալուց հետո կսկսեն շինարարությունը։

«Լավ ծրագիր է։ Մենք չլինենք, մեր թոռներն են ապրելու էստեղ։ Հո պատահակա՞ն չենք տուն սարքում։ Էստեղից ոչ ոք չի գնալու»,- ասում է Միշա Ազատյանը։

ԲերդավանԱշխատանքի եւ սոցիալական հարցերի նախարարության տվյալների համաձայն՝ սահմանամերձ գյուղական բնակավայրերում բնակարանային ապահովության պետական աջակցության ծրագրից արդեն 400-ից ավելի ընտանիք է օգտվում։ Այս թիվը հավանաբար կմեծանա, որովհետեւ երկարաձգվել է ծրագրի գործողության ժամկետը։ Շահառուները կկարողանան դիմել եւ օգտվել ծրագրից մինչեւ 2025 թվականի դեկտեմբերի 30-ը։

Իսկ ծրագրի շահառու դառնալու համար հարկավոր է գրանցված ամուսնություն,  ամուսիններից առնվազն մեկի ՀՀ քաղաքացիություն, դրական վարկային պատմություն։

Բերդավան Սահմանամերձ գյուղական բնակավայրերում բնակարանային ապահովության պետական աջակցության ծրագրի համար 2023-ին պետական բյուջեից 466 միլիոն դրամ է հատկացվել, 2024-ի համար՝ մոտ 1,5 միլիարդ դրամ։

Արամ ԶուրաբյանՄարզերից առաջին տեղում Տավուշն է, որտեղից տուն կառուցելու հայտ է  ներկայացրել մոտ 250 ընտանիք։

«Ամենաշատը Կողբում, հետո Բերդավանում են տներ կառուցվում։ Մարդիկ կան, որոնց հայտերն արդեն բանկերում են, բայց դեռ չեն հաստատվել։ Այս պահին 30 եւ ավելի տան կառուցապատում ընթացքի մեջ է»,- «Ալիք Մեդիա»-ին հայտնեց Բերդավանի վարչական ղեկավար Արամ Զուրաբյանը։

Հայաստանի եւ Ադրբեջանի սահմանազատման գործընթացով պայմանավորված վերջին իրադարձությունները, ըստ Զուրաբյանի, տուն կառուցել ցանկացողների շրջանում որեւէ բան չեն փոխել։ Ավելին՝ ծրագրից օգտվել ցանկացողների թիվը գնալով մեծանում է։

Tatevik Tshughurian
Տաթեւիկ Ճուղուրյան

Մասնագիտությամբ լրագրող եմ։ 15-ամյա աշխատանքային գործունեությանս մեծ մասն անցել է հեռուստատեսության ոլորտում՝ Ալավերդու «Անկյուն+3» հեռուստաընկերությունում։

0
FacebookTwitterWhatsappTelegramEmail
նախորդը
Ֆրանսիայի ԱԳՆ-ն քաղաքացիներին կոչ է արել զերծ մնալ Իրան, Իսրայել եւ Լիբանան այցելություններից
հաջորդը
Դղյակն ու առանձնատունն էլ չեն տարբերում

խմբագրական

  • Ռուսաստանը Արցախի իշխանություններին չի տեղեկացրել Ադրբեջանի կողմից 2023...

լրահոս

  • Իսրայելն ուժով կպատասխանի, եթե Սիրիայի կառավարությունը չկանխի դրուզներ...

  • Չենք պատրաստվում աշխարհով մեկ թռչել Կիեւի եւ Մոսկվայի...

  • Թրամփը հայտարարել է, որ մայիսի 8-ը կնշվի որպես...

  • ԵՄ-ը նոր պատժամիջոցներ է պատրաստում ՌԴ-ի դեմ՝ հրադադարից...

  • Դամասկոսում դրուզների հետ բախումներից հետո Սիրիայի կառավարությունը հայտարարել...

ընտրանի

  • 1

    Կարմիր գրքում գրանցված ծաղիկ է վաճառվում

  • 2

    Մեղուների քանակը նվազել է, բույսերի փոշոտումը՝ վատացել

  • 3

    Ի՞նչ է Պարկինսոնի հիվանդությունը, որո՞նք են ախտանշանները

  • 4

    Շարադրություն. Զոյա Բեգլարյան, «Իմ գյուղը»

  • 5

    Շարադրություն. Մարիամ Ղուկասյան, «Իմ գյուղը»

Facebook Youtube Email Telegram

արխիվ

Ապրիլի 2024
ԵԵՉՀՈւՇԿ
1234567
891011121314
15161718192021
22232425262728
2930 
« Մրտ   Մյս »
Quality Sign Colored

© 2024 - Բոլոր իրավունքները պաշտպանված են ՀՀ Օրենսդրությամբ: Ձևավորումը Ալիք Մեդիա
Գաղտնիության քաղաքականություն