Եվրամիության արտաքին քաղաքականության եւ անվտանգության հարցերով բարձր ներկայացուցիչ Ջոզեպ Բորելը եւ Եվրահանձնաժողովը համատեղ հայտարարություն են տարածել հոկտեմբերի 26-ին Վրաստանում կայացած խորհրդարանական ընտրությունների վերաբերյալ։
Ըստ Բորելի` Եվրահանձնաժողովը եւ Եվրամիությունը Վրաստանի ԿԸՀ-ին եւ այլ գերատեսչություններին կոչ են անում արագ եւ թափանցիկ հետաքննել ընտրախախտումները:
«Մենք կոչ ենք անում Վրաստանի Կենտրոնական ընտրական հանձնաժողովին եւ այլ պատկան մարմիններին կատարել իրենց պարտականությունները, արագ, թափանցիկ եւ անկախ հետաքննել եւ դիտարկել ընտրախախտումները եւ մեղադրանքները: Այդ խախտումները պետք է բացահայտվեն: Սա անհրաժեշտ քայլ է ընտրական գործընթացի վերաբերյալ վստահությունը վերականգնելու համար»,- ասված է հաղորդագրությունում։
ԱԼԻՔ ՄԵԴԻԱ ՎՐԱՍՏԱՆ