Ադրբեջանի պետական սահմանապահ ծառայությունից հայտնել են, որ դեկտեմբերի 7-ին 16:00-ի սահմաններում Իրանի եւ Ադրբեջանի սահմանին փոխհրաձգություն է եղել։
Երկու սահմանախախտ փորձել են Իրանից անցնել Ադրբեջան։ Ադրբեջանցի սահմանապահները նրանց հրամայել են կանգ առնել, ինչին սահմանախախտները չեն ենթարկվել։ Նրանք երկու ծանրոց են նետել եւ փորձել փախչել դեպքի վայրից:
Սահմանապահները սկսել են հետապնդել սահմանախախտներին եւ նախազգուշական կրակ են բացել։ Նախնական տեղեկություններով սահմանախախտներից մեկը սպանվել է, իսկ երկրորդը` փախել։
Ներկայում միջոցներ են ձեռնարկվում փախուստի դիրմած սահմանախախտի ինքնությունը պարզելու ուղղությամբ։ Դեպքի վայրում հայտնաբերված ծանրոցներում եղել է «Marlboro» «Kent» «More» տեսակի 4270 տուփ ծխախոտ։
Իրանական կողմը տեղեկացված է տեղի ունեցածի մասին։