Ֆրանսիայի մայրաքաղաք Փարիզում անցկացված ՖԻՖԱ-ի The Best մրցանակաբաշխության ընթացքում հայտնի են դարձել 2022-ի լավագույնները: The Best-ի տարվա լավագույն ֆուտբոլիստի կոչմանն է արժանացել Արգենտինայի հավաքականի կազմում աշխարհի չեմպիոն դարձած Լիոնել Մեսին:
Տարվա լավագույն մարզիչը Արգենտինայի ազգային թիմի գլխավոր մասնագետ Լիոնել Սկալոնին է: 2022-ի լավագույն դարպասապահ է ճանաչվել Արգենտինայի ազգային ընտրանու եւ անգլիական «ԱստոնՎիլա»-ի անդամ Էմիլիանո Մարտինեսը: Պուշկաշի անվան տարվա լավագույն գոլի մրցանակին է արժանացել Լեհաստանի հավաքականի եւ «Վարտա»-ի պարաֆուտբոլիստ Մարչին Օլեքսին: Երկրպագուների մրցանակին են արժանացել Արգենտինայի ազգային ընտրանու երկրպագուները:
Լավագույն կին ֆուտբոլիստը «Բարսելոնա»-ի կիսապաշտպան Ալեքսիա Պուտելասսն է (Իսպանիայի հավաքական): Լավագույն կին դարպասապահ է ճանաչվել «Մանչեսթեր Յունայթեդ»-ից Մերի Էրպսը: Կանանց ֆուտբոլի 2022 թվականի լավագույն մասնագետ է ճանաչվել Անգլիայի ֆուտբոլի հավաքականը մարզող Սարինա Վիգմանը:
2022-ի խորհրդանշական հավաքականի կազմն ունի հետեւյալ տեսքը` դարպասապահ` Տիբո Կուրտուա, պաշտպաններ` Ժոաո Կանսելու, Վիրջիլ Վան Դեյք, Աշրաֆ Հակիմի, կիսապաշտպաններ` Կազեմիրո Քեւին Դե Բրույնե, Լուկա Մոդրիչ, հարձակվողներ` Կարիմ Բենզեմա, Էրլինգ Հոլանդ, Կիլիան Մբապե, Լիոնել Մեսի։