AppStore-ում հայտնվել է WhatsApp մեսենջերի նոր տարբերակը, որի հիմնական առանձնահատկությունը տեսահաղորդագրությունների առկայությունն է։ Այս նոր ֆունկցիան օգտատերերին թույլ է տալիս ուղարկել մինչեւ մեկ րոպե տեւողությամբ կարճ տեսահաղորդագրություններ: Հոլովակ ձայնագրելու համար հարկավոր է սեղմած պահել երկխոսության վանդակում խոսափողի պատկերով կոճակը, ապա ընտրել «վիդեո» ռեժիմը։
WhatsApp-ի այս ֆունկցիայից օգտվելու համար անհրաժեշտ է ներբեռնել մեսենջերի նոր տարբերակը App Store-ից։ Քանի որ այս ֆունկցիան նոր է հայտնվել WhatsApp-ում, որոշ օգտատերերի համար նշված նոր ֆունկցիան կարող է հասանելի դառնալ ոչ անմիջապես: