Արարատ Միրզոյանը կայցելի Սաուդյան Արաբիա

ՀՀ ԱԳ նախարար Արարատ Միրզոյաը կայցելի Սաուդյան Արաբիայի Թագավորություն։ Այս մասին ասվում է ՀՀ ԱԳՆ հայտարարության մեջ։

Այցը տեղի կունենա ապրիլի 17-18-ին։ 2023թ. նոյեմբերին երկու երկրների միջեւ դիվանագիտական հարաբերությունների հաստատումից հետո սա Հայաստանից առաջին բարձրաստիճան այցն է Սաուդյան Արաբիա:

Այցի շրջանակներում նախարար Միրզոյանը հանդիպում կունենա Սաուդյան Արաբիայի արտաքին գործերի նախարար արքայազն Ֆեյսալ բին Ֆարհան Ալ Սաուդի հետ:

Նախատեսված են Սաուդյան Արաբիայի գործընկերների հետ նաեւ այլ հանդիպումներ: