Կովկասի ինստիտուտի փոխտնօրեն, Ռումինիայում ՀՀ նախկին դեսպան Սերգեյ Մինասյանը կարծում է, որ Վրաստանի գործող իշխանությունները պրագմատիկ և հաշվարկված քաղաքականություն են վարում, և ճիշտ չէ այդ ընտրությունը դիտարկել Ռուսաստան-Արևմուտք հակասությունների ենթատեքստում: Լրագրող, «Ալիք Մեդիայի» գլխավոր խմբագիր Թաթուլ Հակոբյանի հետ զրույցում Մինասյանը նաև ընդգծում է, որ իշխող «Վրացական երազանք» կուսակցությունը չի թեքվել դեպի Ռուսաստան, ինչպես ընկալում են շատերը: