Ըստ բրիտանական Reuters գործակալության՝ բռնցքամարտը կարող է չընդգրկվել 2028 թվականի Լոս Անջելեսում կայանալիք օլիմպիական խաղերի ծրագրում։
Միջազգային օլիմպիական կոմիտեն (ՄՕԿ) լրջորեն անհանգստացած է բռնցքամարտի միջազգային ասոցիացիայի (IBA)՝ ռուսական «Գազպրոմ» էներգետիկ ընկերությունից ֆինանսական կախվածության համար։
Ավելի վաղ ՄՕԿ-ը կասեցրել էր IBA-ի մասնակցությունը Տոկիոյի օլիմպիական խաղերի որակավորմանը, որը բուն օլիմպիական մրցաշարի հետ անցկացրել էր ՄՕԿ-ի աշխատանքային խումբը։
«Ներկայում բռնցքամարտը ներառված չէ Լոս Անջելեսում անցկացվելիք 2028 թվականի օլիմպիական խաղերի մարզական ծրագրում։ Հաշվի առնելով իրական էվոլյուցիայի բացակայությունը՝ ՄՕԿ-ի գործադիր խորհուրդը չի կարող չեղարկել այս որոշումը եւ լուրջ մտահոգությամբ կշարունակի վերահսկել IBA-ի ղեկավարման գործընթացը»,- ասված է Բռնցքամարտի միջազգային ասոցիացիայի նախագահ Ումար Կրեմլեւին ուղարկված ՄՕԿ-ի նամակում:
Ի դեպ, նշանակվել է IBA-ի նախագահի նոր ընտրություն, որը կանցկացվի սեպտեմբերի 24-ից հոկտեմբերի 1-ը Երեւանում: