Եգիպտոսի Արաբական Հանրապետության նախագահ Աբդել Ֆաթթահ Ալ Սիսին Հայաստանի Հանրապետւթյան անկախության 30-ամյակի առթիվ շնորհավորական ուղերձ է հղել ՀՀ նախագահ Արմեն Սարգսյանին:
«Անկախության օրվա առթիվ Ձեզ և բարեկամ հայ ժողովրդին եմ հղում իմ սրտագին ողջույններն ու լավագույն բարեմաղթանքները:
Լիահույս եմ, որ մեր բարեկամության արժեքավոր ավանդական կապերը և բազմակողմանի համագործակցությունն առաջիկա տարիներին կշարունակեն ամրապնդվել տարբեր ոլորտներում՝ ի նպաստ մեր երկու բարեկամ ժողովուրդների»,- ասվում է նախագահ Աբդել Ֆաթթահ Ալ Սիսիի ուղերձում:
Նշենք, որ Եգիպտոսում Հայաստանի դեսպանությունից հայտնել են, որ «Կահիրեի աշտարակը» լուսավորվել է Հայաստանի դրոշի գույներով։