Ըստ Իսրայելի ԱԳՆ մամուլի ծառայության՝ «Pfizer» ընկերության գլխավոր տնօրեն Ալբերտ Բուռլան դարձել է 2022 թվականի «Գենեզիս» մրցանակի դափնեկիր: Մրցանակն ընդունված է անվանել «հրեական Նոբելյան մրցանակ»: Բուռլան «Գենեզիս» մրցանակին է արժանացել համավարակի ընթացքում մեծ ռիսկի գնալու առաջատարություն, վճռականություն եւ պատրաստակամություն հանդես բերելու համար:
Իսրայելի նախագահ Իցհակ Հերցոգը «հրեական Նոբելյան մրցանակը» Ալբերտ Բուռլային կհանձնի հունիսի 29-ին Երուսաղեմում նախատեսված արարողության ժամանակ: «Գենեզիս» պարգեւը 10 տարի առաջ սահմանել են Իսրայելի իշխանությունները: Մրցանակի չափը հասնում է 1 միլիոն դոլարի: