Twitter-ը 2021-ի հունվար-հունիսին աշխարհի տարբեր երկրների կառավարությունների կողմից բովանդակության հեռացման հարցումների վերաբերյալ տվյալներ է հրապարակել։ Նշված ժամանակահատվածում օրինական հարցումների գծով դիմումների ռեկորդային աճ է գրանցվել։
Ըստ զեկույցի՝ վերջին կես տարում տարբեր երկրների կառավարությունների իրավական հարցումների մասով Twitter-ը 196878 հաշիվներից բովանդակությունը հեռացնելու պահանջով ստացել է 43387 օրինական հարցում:
Twitter-ը հայտարարել է, որ ամենաշատ հարցումներ ունեցող երկրներն են Ճապոնիան, Ռուսաստանը, Թուրքիան, Հնդկաստանը եւ Հարավային Կորեան։ Ընկերությունը հավելել է, որ հարցումների 54%-ն է միայն բավարարվել, եւ օգտատերերից պահանջվել է հեռացնել տվյալ բովանդակությունը: