Ամերիկայի հայկական համագումարից հայտնել են, որ ԱՄՆ Կոնգրեսի Ներկայացուցիչների պալատն ընդունել է հատկացումների մասին ամփոփ օրինագիծ, որում ներկայացված են 2022 ֆինանսական տարվա ծախսերը:
Փաստաթուղթը նախատեսում է մարդասիրական ականազերծման նպատակով առնվազն 45 միլիոն դոլար օգնություն տրամադրել Հայաստանին եւ 2 միլիոն դոլար ԼՂՀ -ին:
Ավելի վաղ Ներկայացուցիչների պալատի եւ Սենատի հատկացումների ենթակոմիտեում Հայաստանին եւ ԼՂՀ-ին ֆինանսական օգնություն ցուցաբերելու կոչերով դիմել էին կոնգրեսականներ Ադամ Շիֆը, Ֆրանկ Փալոնը, Ջեքի Սփեյերը եւ մի շարք այլ օրենսդիրներ: