Կինոարվեստի ամերիկյան ակադեմիան հայտարարել է «Օսկար»-ի նոր մրցանակակիրների անունները: «Օսկար» 94-րդ մրցանակաբաշխությունը տեղի է ունեցել մարտի 27-ին:
Հիմնական անվանակարգերում հաղթողների ցանկը հետեւյալն է. «Լավագույն ֆիլմ», «Երկրորդ պլանի լավագույն դերասան» եւ «Սցենարի լավագույն ադապտացիա» անվանակարգերում հաղթել է «Կոդա» (CODA) ֆիլմը, «Լավագույն ռեժիսոր» անվանակարգում՝ «Շան իշխանություն»-ը (The Power of the Dog):
«Լավագույն դերասան» է ճանաչվել Ուիլ Սմիթը՝ «Ռիչարդ արքան» (King Richard) ֆիլմի համար: Սա, ի դեպ, Ուիլ Սմիթի առաջին «Օսկար»-ն է:
«Լավագույն դերասանուհի» անվանակարգում «Օսկար»-ի է արժանացել Ջեսիկա Չեսթեյնը՝ «Թեմի Ֆեյի աչքերը» (The Eyes of Tammy Faye) ֆիլմում իր մարմնավորած կերպարի համար:
«Դյունա» (Dune) ֆիլմն «Օսկարի» է արժանացել մի քանի՝ «Լավագույն վիզուալ էֆեկտներ», «Լավագույն հնչյունային ձեւավորում», «Լավագույն օպերատորական աշխատանք», «Լավագույն բեմադրող նկարչի աշխատանք», «Լավագույն մոնտաժ» եւ «Լավագույն երաժշտական ձեւավորում» անվանակարգերում։