Փախստականների գործերով ՄԱԿ-ի գերագույն հանձնակատարի վարչությունը հայտնել է, որ Ուկրաինայից ավելի քան 4 միլիոն փախստական է ժամանել հարեւան երկրներ:
Վարչության պաշտոնական տվյալներով՝ մարտի 29-ի դրությամբ Ուկրաինան լքած փախստականների ստույգ թիվը 4 միլիոն 19 հազար 287 է: Մեկ օրում այդ թիվն ավելացել է ավելի քան 117 հազարով:
Մասնավորապես, փետրվարի 24-ից մինչեւ մարտի 29-ը Լեհաստան է ժամանել 2 միլիոն 336 հազար 799, Ռումինիա՝ 608 հազար 936, Մոլդովա՝ 387 հազար 151, Հունգարիա՝ 364 հազար 804 ուկրաինացի փախստական: