Դեւիսի գավաթի 2022-ի խաղարկությունում թենիսի Հայաստանի տղամարդկանց հավաքականն անհաջող է հանդես եկել։
Չեռնոգորիայում անցկացված 3-րդ խմբի եվրոպական գոտու Ա ենթախմբում ընդգրկված Հայաստանի հավաքականը 0։3 հաշվով պարտվել է Վրաստանի եւ Կիպրոսի հավաքականներին, նույն հաշվով հաղթել Լիխտենշտայնին եւ գրավել 3-րդ տեղը։
Անցումային խաղում թենիսի Հայաստանի տղամարդկանց հավաքականը 0։3 հաշվով տանուլ է տվել Բ ենթախմբի ետնապահ Չեռնոգորիային՝ արդյունքում տեղափոխվելով 4-րդ խումբ։
Վրաստանի, Լյուքսեմբուրգի եւ Կիպրոսի հավաքականները նվաճել են 2-րդ խմբի ուղեգրեր։