Ըստ ադրբեջանական լրատվամիջոցների՝ Ադրբեջանի պաշտպանության նախարար գեներալ-գնդապետ Զաքիր Հասանովն ընդունել է պաշտոնական այցով Ադրբեջանում գտնվող Պակիստանի ռազմաօդային ուժերի հրամանատար Զահիր Ահմեդ Բաբար Սիդհուի գլխավորած պատվիրակությանը։
Հասանովը հանդիպման ժամանակ նշել է, որ Ադրբեջանի եւ Պակիստանի՝ ռազմավարական գործընկերության մակարդակի հասած հարաբերությունները շարունակաբար զարգանում են:
Պակիստանի ռազմաօդային ուժերի հրամանատարն ընդգծել է Ադրբեջանի եւ Պակիստանի պատմականորեն հաստատված բարեկամական հարաբերությունները, նշել, որ Ադրբեջանի եւ Պակիստանի միջեւ համագործակցությունը զգալիորեն ընդլայնվել եւ ամրապնդվել է, եւ որ երկկողմ ռազմական համագործակցության մեծ ներուժ կա։
Կողմերը քննարկել են ռազմական, ռազմատեխնիկական եւ ռազմակրթական ոլորտներում Ադրբեջանի եւ Պակիստանի միջեւ կապերի հետագա ընդլայնմանն առնչվող հարցեր։