Ըստ Bloomberg պարբերականի՝ Եվրամիությունը մշակել է պատժամիջոցների նոր փաթեթ, որը ԵՄ-ի ներսում եւ սահմաններից դուրս լայն հնարավորություն է տալիս հետապնդելու Ռուսաստանի նկատմամբ սահմանված պատժամիջոցները շրջանցելուն օգնող անձանց եւ կազմակերպություններին։
Նոր փաթեթում ներմուծվել է այսպես կոչված էքստրա-տարածքային բաղադրիչ, որը թույլ է տալիս պատիժներ կիրառել նույնիսկ ԵՄ իրավազորության տարածքից դուրս, ինչը մասնագետները ԵՄ քաղաքականության նշանակալի տեղաշարժ են համարում։ Այսպես, պատժամիջոցներ կարող են սահմանվել նրանց հանդեպ, ովքեր երրորդ երկրների միջոցով հակառուսական պատժամիջոցներով արգելված ապրանքատեսականի են տեղափոխում Ռուսաստան։ Պատժամիջոցները կվերաբերեն նաեւ ԵՄ անդամ երկրների այն քաղաքացիներին, որոնք այլոց կօգնեն շրջանցելու հակառուսական պատժամիջոցները։
Պատրաստեց Արման Գրիգորյանը