Հիդրոօդերեւութաբանության եւ մոնիթորինգի կենտրոնից հայտնել են, որ Սեւանա լճի մակարդակը հոկտեմբերի 3-9-ն ընկած ժամանակահատվածում իջել է 1 սմ-ով։
Նշված ժամանակահատվածում Սեւանա լճի մակարդակը եղել է 1900,42 մ, ինչն անցյալ տարվա նույն օրվա մակարդակից ցածր է 11 սմ-ով, իսկ 2022-ի հունվարի 1-ի մակարդակից բարձր է 1 սմ-ով։
«Արփա-Սեւան ջրատարով հոկտեմբերի 3-9-ն ընկած ժամանակահատվածում Սեւանա լիճ տեղափոխված ջրի քանակը եղել է 0,551 մլն խմ, իսկ 2022-ի հունվարի 1-ից հոկտեմբերի 9-ը ներառյալ՝ 155,995 մլն խմ»,– նշված է հաղորդագրության մեջ:
Սեւանա լճի մակարդակը սեպտեմբերի 26-ից հոկտեմբերի 2-ն իջել էր 3 սմ-ով եւ հասել1900,43 մ-ի, որն անցյալ տարվա նույն օրվա մակարդակից ցածր էր 11 սմ-ով եւ հավասար էր 2022-ի հունվարի 1-ի մակարդակին։