Ադրբեջանում Իրանի դեսպան Սեյեդ Աբաս Մուսավին արձագանքել է Ադրբեջանում Իսրայելի դեսպանի հայտարարությանը, ըստ որի՝ Իրանն անկայունություն է սփռում Մերձավոր Արեւելքում։
Մուսավին նշել է, որ Թեհրանին անհանգստացնում է մի շարք ոլորտներում Ադրբեջան-Իսրայել գործակցությունը, եւ իրանական կողմը զգուշացրել է Բաքվին այդ հարաբերությունների խորացման հետեւանքների մասին: Դեսպանը մտահոգություն է հայտնել, որ Ադրբեջանը կարող է Իսրայելի դեմ հակամարտության դաշտ դառնալ։ Ըստ Մուսավիի՝ Իսրայելը կզղջա Թեհրանի հարեւաններին մերձենալու եւ Իրանի անվտանգությանը սպառնալու համար: