Երեւանի քաղաքապետարանից հայտնել են, որ Երեւանի ավագանու արտահերթ նիստում քննարկվել է մայրաքաղաքում՝ «Երեւան պարկին» հարակից 150 հա տարածքում, կենդանիների համար ավելի լավ պայմաններով նոր կենդանաբանական այգի կառուցելու հարցը։ Նշվել է, որ այնտեղ կանաչ գոտի կլինի, եւ անտառ կտնկվի։
Երեւանի կենդանաբանական այգու շինարարությունը մենարկել է 1940 թվականին եւ շահագործման հանձնվել 1950-ին։ 2019-ի սկզբին կենդանաբանական այգին ուներ 125 տեսակի 720 կենդանի։ Այգին զբաղեցնում է 85 հազար քառ․ մետր տարածք, որից կենդանիների համար նախատեսված կառույցներինը՝ 52 հազար քառ․ մետր։ Կենդանաբանական այգու վանդակներում կամ ցանկապատված տարածքներում պահվում է կենդանիների եւ թռչունների շուրջ 183 տեսակ, որից 34-ը գրանցված են Բնության պահպանության միջազգային Կարմիր գրքում, իսկ 50-ը՝ Հայաստանի Կարմիր գրքում։ 1954-ին այգին ուներ 4 ՝ սմբակավորների, գիշատիչների, թռչունների եւ սողունների բաժին։
Վայրի բնության եւ մշակութային արժեքների պահպանման հիմնադրամը (FPWC) վարձակալել եւ տնօրինել է Խոսրովի արգելոցի հարեւանությամբ մոտ 839 հեկտար կառավարումը, որը մինչեւ վերջերս պաշտպանված չէր եւ վտանգված էր ապօրինի ծառահատումներից եւ գերարածեցումից։ Երեւանի կենդանաբանական այգին համագործակցում է FPWC-ի հետ` այս տարածքները վայրի բնության վերականգնման եւ վայրի կենսական նշանակություն ունեցող վայրերի վերականգնման համար։