Հայկական ատոմային էլեկտրակայանից հայտնել են, որ մայիսի 5-ին՝ 01:45-ին, ՀԱԷԿ-ի թիվ 2 էներգաբլոկը 75 օրով կանգնել է ամենամյա պլանային նախազգուշական վերանորոգման: Պլանային նախազգուշական վերանորոգման ընթացքում նախատեսվում է ռեակտորի միջին վերանորոգում՝ ակտիվ գոտու լրիվ բեռնաթափմամբ, թիվ 2 եւ 3 գլխավոր շրջանառու պոմպերի եւ շոգեգեներատորների հիմնանորոգում, ինչպես նաեւ տուրբագեներատորների եւ շոգետուրբինների ընթացիկ վերանորոգում: Վերը նշված հիմնական աշխատանքներից բացի՝ կարդիականացվեն նաեւ անվտանգային որոշ համակարգեր, մասնավորապես՝ կփոխարինվեն պատասխանատու սպառիչների հովացման համակարգի խողովակաշարերը:
Նախատեսվող աշխատանքներում ՀԱԷԿ-ի հիմնական արտադրամասերի աշխատակիցներից բացի ներգրավված են ատոմակայանների համակարգերի եւ սարքավորումների վերանորոգման հարուստ փորձ ունեցող մասնագետներ ՌԴ-ից, Խորվաթիայից, Չեխիայից եւ այլ երկրներից:
Վերանորոգման գործընթացն իրականացվելու է ՀՀ Միջուկային անվտանգության կարգավորման կոմիտեի մասնագետների վերահսկողության ներքո: ՀԱԷԿ-ի թիվ 2 էներգաբլոկի գործարկումը նախատեսվում է հուլիսի 18-ին: