Աշխատանքային գործունեության մեկ տարվա առթիվ Շիրակի մարզպետ Մուշեղ Մուրադյանի մամլո ասուլիսում ներկայացվել են մարզում իրականացված աշխատանքները:
ՀՀ կառավարության 300 դպրոցի, 500 մանկապարտեզի կառուցման եւ նորոգման ծրագրի շրջանակում Շիրակում կառուցվում են Արեգնադեմի, Կապսի, Բերդաշենի, Արթիկի, Ազատանի դպրոցները:
Արեւշատում եւ Արթիկում «Մոդուլային» տիպի 144 տեղ հզորությամբ մսուր-մանկապարտեզներ են կառուցվում՝ համապատասխանաբար 814 եւ 794 միլիոնական դրամ արժողությամբ:
Մանկապարտեզներ են նորոգվում ու կառուցվում Գյումրիում, Հոռոմ, Նոր Կյանք բնակավայրերում, եւս 3 մանկապարտեզների շենքերի կառուցման աշխատանքները շարունակվում են Հայաստանի տարածքային զարգացման հիմնադրամի պատվերով։
Շիրակի մարզպետը նշեց, որ բոլոր շինաշխատանքների ընթացքին հետեւել է անձամբ, արձանագրել ժամկետների, որակի թերացումներ: Դրանց վերացման առնչությամբ տրվել են ցուցումներ, ինչպես նաեւ համապատասխան գրություններ ու եզրակացություններ են ուղղվել պատկան մարմիններին։
Առաջին մասնագիտությամբ բանասեր, երկրորդով՝ հոգեբան, լրագրությունը, սակայն, երրորդը չէ։ Լրագրությունը բոլոր մասնագիտություններից ամենասիրելին է։