Ադրբեջանի անվտանգության խորհրդի քարտուղար Ռամիլ Ուսուբովը «Ադրբեջան» պաշտոնաթերթում հրապարակված իր հոդվածում հայտարարել է, որ խաղաղության պայմանագրի ստորագրումն ավելի շատ բխում է Հայաստանի շահերից: Ըստ նրա՝ ՀՀ-ի պատմության մեջ նոր էջ բացելու՝ հայ հասարակության կոչերը հուսադրող են, Հայաստանը, այնուամենայնիվ, կձգտի Ադրբեջանի հետ խաղաղության պայմանագրի շուտափույթ ստորագրմանը:
Ուսուբովի համոզմամբ՝ սահմանների սահմանազատումն ավելի շատ անհրաժեշտ է Հայաստանին, քան Ադրբեջանին։
«Մեր սահմանները վերցվել են լիակատար վերահսկողության տակ, ռազմավարական դիրքերը, որոնք կարող են սպառնալ անվտանգությանը, մեր զինվորականների լիակատար վերահսկողության տակ են»,- շեշտել է Ադրբեջանի ԱԽ քարտուղարը։