Ամերիկյան Սենտ Լուիս քաղաքում մեկնարկել է արագ շախմատի Champions Showdown մրցաշարը, որին ՀՀ դրոշի տակ մասնակցում է նաեւ Լեւոն Արոնյանը: Մրցաշարի առաջին 3 տուրերի արդյունքով Արոնյանը 1,5 միավորով 5-րդ տեղում է (մեկ պարտություն, մեկ ոչ-ոքի, մեկ հաղթանակ): Մրցաշարի առաջատարը 2,5 միավորով ամերիկացի Ֆաբիանո Կարուանան է։
Մրցաշարին մասնակցում է 10 շախմատիստ՝ Լեւոն Արոնյանը, ֆրանսիացի Մաքսիմ Վաշյե-Լագրավը, ամերիկացիներ Ֆաբիանո Կարուանան, Ուեսլի Սոն, Սեմ Շենկլանդը, Հիկարու Նակամուրան, Լենյեր Դոմինգեսը, ռուս Պյոտր Սվիդլերը, աշխարհի 13-րդ չեմպիոն Գարի Կասպարովը, ադրբեջանցի Շահրիար Մամեդյարովը։ Մրցանակային ֆոնդը 150 հազար դոլար է։